റഫ്രിജറേറ്ററിൽ സൂക്ഷിക്കുന്ന ഭക്ഷണം കഴിക്കുന്നത് തികച്ചും സാധാരണമാണ് . . നമ്മളോരോരുത്തരും എപ്പോഴെങ്കിലും രണ്ടോ മൂന്നോ ദിവസം ഫ്രിഡ്ജിൽ വെച്ച ഭക്ഷണം കഴിച്ചിട്ടുമുണ്ട്. ഇതൊരു പതിവ് ശീലമായി മാറിയിരിക്കുന്നു ഇന്ന് .
എന്നാൽ പഴകിയ ഭക്ഷണം കഴിച്ച ഞെട്ടിക്കുന്ന ഒരു സംഭവമാണ് ന്യൂ ഇംഗ്ലണ്ട് ജേണൽ ഓഫ് മെഡിസിൻ റിപ്പോർട്ട് ചെയ്തിരിക്കുന്നത് . ഇത് ജെസ്ന എന്ന 19 വയസ്സുള്ള യുവാവിനാണ് ചിക്കൻ നൂഡിൽസ് കഴിച്ചതിനു പിന്നാലെ കാലുകൾ മുറിച്ചു മാറ്റേണ്ടിവന്നത് . ജെസ്നയുടെ റൂംമേറ്റ് ഒരു റെസ്റ്റോറന്റിൽ നിന്ന് ചിക്കൻ നൂഡിൽസ് ഓർഡർ ചെയ്തിരുന്നു .
ഇതിൽ ഒരു ഭാഗം കഴിച്ച് ബാക്കി വന്ന ന്യൂഡിൽസ് ഫ്രിഡ്ജിൽ വെച്ചു. അടുത്ത ദിവസം ഈ പഴകിയ ചിക്കൻ നൂഡിൽസ് കഴിച്ചത് ജെസ്നയാണ് . നൂഡിൽസ് കഴിച്ചതിനു പിന്നാലെ ജെസ്നയ്‌ക്ക് കടുത്ത പനിയും വിറയലും അനുഭവപ്പെട്ടു . ഹൃദയമിടിപ്പും പെട്ടെന്ന് വർദ്ധിച്ചു. ഉടൻ തന്നെ ജെസ്നയെ സുഹൃത്തുക്കൾ ആശുപത്രിയിൽ എത്തിച്ചു . ജെസ്നയ്‌ക്ക് ശരീരവേദനയും ഛർദ്ദിയും അനുഭവപ്പെടുകയും ശരീരമാകെ നീലനിറമായി മാറുകയും ചെയ്തു .
വിശദപരിശോധനകൾക്ക് ശേഷം ജെസ്നയ്‌ക്ക് അണുബാധ ഉണ്ടെന്ന് കണ്ടെത്തി. തുടർന്ന് ജെസ്നയുടെ വൃക്കകളുടെ പ്രവർത്തനം നിലച്ചു. മെനിങ്കോകോക്കസ് എന്നും നീസെറിയ മെനിഞ്ചൈറ്റിസ് എന്നും പേരുള്ള അണുബാധയായിരുന്നു വിദ്യാർത്ഥിയെ പിടികൂടിയത്. അതിവേഗം പടരുന്നതിനാൽ, വിരലുകളും കാൽപാദങ്ങളും അഴുകി തുടങ്ങി. . കുട്ടിയുടെ ജീവൻ രക്ഷിക്കാൻ ഡോക്ടർമാർക്ക് മുട്ടിനു താഴെ കാലുകൾ മുറിച്ചുമാറ്റേണ്ടി വന്നു.
വിദഗ്ധരുടെ അഭിപ്രായത്തിൽ, പഴകിയ ഭക്ഷണമാണ് യുവാവിന്റെ ഈ അവസ്ഥയ്‌ക്ക് കാരണമായത്. 26 ദിവസത്തിന് ശേഷമാണ് ജെസ്നയ്‌ക്ക് ബോധം തിരിച്ചുകിട്ടിയത് .
Comments