കൊല്ലം: ലോക്സഭ തെരഞ്ഞെടുപ്പില് എല്ഡിഎഫ് സ്ഥാനാര്ത്ഥിയായി കൊല്ലത്ത് എന്കെ പ്രേമചന്ദ്രനെതിരെ മത്സരിക്കുമെന്ന അഭ്യൂഹങ്ങളോട് പ്രതികരിച്ച് ചിന്താ ജെറോം. കൊല്ലം പാര്ലമെന്റ് സീറ്റില് തന്നെ പരിഗണിക്കുന്നുവെന്നതിനെ കുറിച്ച് തനിക്ക് അറിയില്ലെന്നാണ് ചിന്തയുടെ പ്രതികരണം
നിലവില് ഭാരിച്ച ഉത്തരവാദിത്വമാണ് പാര്ട്ടി ഏൽപ്പിച്ചിരിക്കുന്നത് . തന്റെ പ്രവര്ത്തന മേഖല കൊല്ലം തന്നെയാണ് .സമൂഹമാധ്യമങ്ങളില് താന് മാത്രമല്ല ആക്രമിക്കപ്പെടുന്നത്. ഇടതുപക്ഷ പ്രസ്ഥാനത്തിലെ പലരും അതിന് ഇരയാകുന്നുണ്ട്
നല്ല വിമര്ശനങ്ങള് ഉണ്ടായാല് തിരുത്തും. കൊല്ലത്ത് യൂത്ത് കോണ്ഗ്രസുകാര് തനിക്കെതിരെ നടത്തുന്ന പ്രചാരണം വ്യാജമാണ് . അരിയാഹാരം കഴിക്കുന്നവര്ക്കറിയാം തനിക്ക് അവിടെയുണ്ടായ സംഘര്ഷത്തില് ബന്ധമില്ലെന്ന്. കൊല്ലത്ത് എത്തിയാല് യുവജന നേതാക്കളെ കാണും. പാട്ട് പാടും, കവിത ചൊല്ലും, അതൊക്കെ സഖാക്കള്ക്കൊപ്പമാണെന്നും ചിന്ത പറഞ്ഞു.
