സാമ്പത്തിക സ്ഥിതി അനുസരിച്ചാണ് ഓരോരുത്തരും നിക്ഷേപങ്ങൽ തുടങ്ങുന്നത്. നിക്ഷേപിക്കുന്ന പണത്തിന് സുരക്ഷിതത്വവും അനിവാര്യമാണ്. അതുകൊണ്ട് തന്നെ സർക്കാർ നിയന്ത്രണത്തിലുള്ള പദ്ധതികളിൽ നിക്ഷേപിക്കാനാണ് ഭൂരിഭാഗം ആളുകളും ആഗ്രഹിക്കുക. അതിനുള്ള മികച്ച ഓപ്ഷനാണ് എൻഐസി. നിരവധി ആനുകൂല്യങ്ങൾ വാഗദാനം ചെയ്യുന്ന പോളിസിയാണ് എൽഐസി ബീമാരത്‌ന.
നോൺ ലിമിറ്റഡ്, നോൺ പാർട്ടിസിപ്പേറ്റിംഗ്, വ്യക്തിഗത, സേവിംഗ്‌സ്, ലൈഫ് ഇൻഷുറൻസ് പ്ലാൻ ആണ് ബീമാ രത്‌ന പ്ലാൻ. ലൈഫ് ഇൻഷുറൻസ് കോർപറേഷൻ ഓഫ് ഇന്ത്യ 2022 മെയിൽ ആരംഭിച്ച പ്ലാനിത്. പോളിസി എടുക്കുന്നവർക്ക് കാലാവധിയിൽ ഗ്യാരണ്ടീഡ് അഡീഷനോടൊപ്പം മെച്യൂരിറ്റി തുക കൂടി ലഭിക്കും. പോളിസി കാലയളവിനുള്ളിൽ മരണപ്പെടുന്നവരുടെ നോമിനിയ്‌ക്ക് മരണാനുകൂല്യവും ലഭിക്കുന്ന പോളിസിയാണ് ഇത്.
അഞ്ച് ലക്ഷമാണ് കുറഞ്ഞ നിക്ഷേപ തുക. 15 വർഷമാണ് കാലാവധി. മൂന്ന് മാസം കൂടുമ്പോഴോ, അർദ്ധ വർഷികത്തിലോ, വാർഷികമായോ തുക നിക്ഷേപിക്കാം. 15 വർഷം, 20 വർഷം, 25 വർഷം എന്നിങ്ങനെ മൂന്ന് കാലാവധിയിൽ പോളിസി വാങ്ങാം. അഞ്ച് വയസ് പൂർത്തിയായാൽ 15 വർഷ പോളിസിയിൽ ചേരാം. 55 വയസ്സാണ് ഉയർന്ന പ്രായപരിധി. 20 വർഷ പോളിസിയിൽ 50 വയസ്സിനുള്ളിലും 25 വർഷ പോളിസിയിൽ 45 വയസ്സിനുള്ളിലും പോളിസിയിൽ അംഗമാകാം. നിക്ഷേപം നീളുന്നതനുസരിച്ച് ആനുകൂല്യങ്ങളും വർദ്ധിക്കും.
മെച്യൂരിറ്റി തീയതി അവസാനിച്ചുകഴിഞ്ഞാൽ പോളിസി പ്രാബല്യത്തിൽ ഉണ്ടെങ്കിൽ മെച്യൂരിറ്റി സം അഷ്വേർഡ് ഗ്യാരണ്ടി കൂട്ടിച്ചേർക്കലുകൾക്കൊപ്പം നൽകും. അതായത്, പോളിസി കാലയളവ് പൂർത്തിയാക്കുമ്പോൾ മെച്യൂരിറ്റി ബെനഫിറ്റ് തവണകളായി ലഭിക്കും. 15 വർഷ പോളിസിയിൽ 11 വർഷമാണ് പ്രീമിയം അടവ്. പിന്നീടുള്ള 14,14 വർഷങ്ങളിൽ പോളിസി ഉടമയ്‌ക്ക് സം അഷ്വേർഡിന്റെ 25 ശതമാനം വീതം റിട്ടേൺ ലഭിക്കും. ബാക്കി 50 ശതമാനം കാലാവധിയിൽ പിൻവലിക്കാം. 20 വർഷത്തെ പോളിസിയിൽ 18, 19 വർഷങ്ങളിലാണ് സം അഷ്വേഡിന്റെ 25 ശതമാനം വീതം ലഭിക്കുന്നത്. 25 വർഷത്തെ പോളിസിയിൽ 23, 24 വർഷങ്ങളിൽ 25 ശതമാനം വീതവും ലഭിക്കും.
