ഒരാളുടെ ജീവൻ രക്ഷിക്കുന്ന ഏറ്റവും വലിയ കർമമാണ് രക്തദാനം. പുരുഷന്മാർക്ക് മൂന്ന് മാസത്തിൽ ഒരിക്കലും സ്ത്രീകൾക്ക് നാലുമാസത്തിൽ ഒരിക്കലും രക്തദാനം ചെയ്യാം. രക്തദാനം ഹൃദയാഘാദത്തിനുള്ള സാധ്യതകൾ കുറയ്ക്കുമെന്ന് പഠനങ്ങളിൽ പറയുന്നുണ്ട്.
എന്നാൽ രക്ത ദാനം ജീവിതത്തിന്റെ ഭാഗമാക്കിയ ഒരു സ്ത്രീയുണ്ട്. അമേരിക്കൻ സ്വദേശിയായ ജോസഫിൻ മിച്ചാലുക്ക് കൃത്യമായ ഇടവേളകളെടുത്ത് രക്തദാനം നടത്തി ഇപ്പോൾ ഗിന്നസ് റെക്കോർഡ് നേടിയിരിക്കുകയാണ്.
80-കാരിയായ ജോസഫിൻ രക്തദാനം നടത്തുന്നത് 1965 -ൽ തന്റെ 22 -ാം വയസ്സിലാണ്. പിന്നീട് ഇത് തന്റെ ജീവിത്തിന്റെ ഭാഗമാക്കി 203 യൂണിറ്റ് രക്തമാണ് ഇവർ ദാനം ചെയ്തത്. തന്റെ സഹോദരിയുടെ നിർബന്ധത്തിന് വഴങ്ങിയാണ് താൻ ആദ്യമായി രക്തദാനം നടത്തിയതെന്നാണ് ജോസഫിൻ പറയുന്നത്. ആദ്യമായി രക്തം ദാനം ചെയ്യുമ്പോൾ ചെറിയൊരു ഭയം ഉണ്ടായിരുന്നെന്നും എന്നാൽ പിന്നീടിത് ജീവിത്തിന്റെ ഭാഗമാക്കാൻ കഴിഞ്ഞെന്നും ജോസഫിൻ വ്യക്തമാക്കി.
ആറു പതിറ്റാണ്ടുകൊണ്ട് താൻ രക്തദാനം നടത്തിയതുകൊണ്ട് തന്റെ ശരീരത്തിന് ശാരീരികമായ ബുദ്ധിമുട്ടുകളും അനുഭവിക്കേണ്ടി വന്നിട്ടില്ല. രക്തദാനത്തിന്റെ മഹത്വം തിരിച്ചറിഞ്ഞ കൂടുതൽ ആളുകൾ അതിന് തയ്യാറാകണമെന്നും മിച്ചാലുക്ക് പറഞ്ഞു. O- ആണ് മിച്ചാലുക്കിന്റെ രക്ത ഗ്രൂപ്പ്. തന്റെ ജീവിതം ഒരു പ്രചോദനമായി സ്വീകരിച്ച് കൂടുതൽ ആളുകൾ രക്തം ദാനം ചെയ്യാൻ തയ്യാറാകണമെന്നതാണ് ജോസഫിന്റെ ആഗ്രഹം.
