കൊച്ചി നഗരത്തെ കാർന്ന് തിന്ന ബ്രഹ്‌മപുരം തീപിടിത്തത്തെ ആസ്പദമാക്കിയൊരുക്കിയ മ്യൂസിക് വീഡിയോ ശ്രദ്ധേയമാകുന്നു. കവി എം ആർ വിഷ്ണു പ്രസാദിന്റെ വരികളിലൂടെയാണ് വീഡിയോ സഞ്ചരിക്കുന്നത്. ബ്രഹ്‌മപുരം തീപിടിത്തം സംഭവിച്ച ദിവസങ്ങശളിൽ കൊച്ചിയിലെ അന്തരീക്ഷം എത്രമാത്രം മലിനമായിരുന്നുവെന്ന് മിനിറ്റുകൾ മാത്രം ദൈർഘ്യമുള്ള വീഡിയോ ദൃശ്യങ്ങളിൽ വ്യക്തമാണ്.
ആർ. ശർമിളയാണ് ബ്രഹ്‌മപുരത്തെ ഭയനാകമായ അവസ്ഥ ശബ്ദത്തിലൂടെ പുറംലോകത്തെ അറിയിച്ചിരിക്കുന്നത്. രതീഷ് രവീന്ദ്രനാണ് ക്യാമറ, എഡിറ്റ്, സംവിധാനം എന്നിവ നിർവഹിച്ചിരിക്കുന്നത്. മാലിന്യ സംസ്‌കരപണ പ്ലാന്റിലെ തീപിടിത്തം ഒരു തുടക്കം മാത്രമാണെന്നും ഇതിന് നമെല്ലാം തുല്യ ഉത്തരവാദികളാണെന്നും ഏവരും സ്വയം തിരുത്തേണ്ട സമയമായിരുന്നു എന്നാണ് മ്യൂസിക് വീഡിയോയിൽ പറയുന്നത്. ഇത്തരം മനുഷ്യ നിർമിത ദുരന്തങ്ങൾ ആവർത്തിക്കാതിരിക്കാൻ എല്ലാവർക്കും ഉത്തരവാദിത്വമുണ്ടെന്നും വീഡിയോ ഓർമ്മപ്പെടുത്തുന്നുണ്ട്.
ബ്രഹ്‌മപുരം തീപിടിത്തത്തിനെതിരെ ആദ്യമായിട്ടാണ് ഇത്തരമൊരു പ്രതിഷേധം മ്യൂസിക് വീഡിയോയുടെ രൂപത്തിൽ പുറത്തിറങ്ങുന്നത്.തീ അണയ്‌ക്കാൻ പ്രവർത്തിച്ച അഗ്നിശമന സേനാംഗങ്ങൾക്കും സന്നദ്ധ പ്രവർത്തകർക്കും ബിഗ് സല്യൂട്ട് നൽകിയാണ് വീഡിയോ അവസാനിക്കുന്നത്.
