ഓസ്‌കാർ ജേതാവായ ‘ദ എലിഫന്റ് വിസ്‌പേഴ്‌സ്’ ടീം കേന്ദ്രമന്ത്രി അനുരാഗ് താക്കൂറുമായി കൂടിക്കാഴ്ച നടത്തി

ന്യൂഡൽഹി : 95ാം ഓസ്‌കർ പുരസ്‌കാര പ്രഖ്യാപനനത്തിൽ ഇന്ത്യക്ക് ചരിത്ര നേട്ടം സമ്മനിച്ച ‘എലിഫന്റ് വിസ്‌പേഴ്‌സ്’ ടീം കേന്ദ്രമന്ത്രി അനുരാഗ് താക്കൂറിനെ കാണാനെത്തി. ഡൽഹിയിലെ അദ്ദേഹത്തിന്റെ വസതിയിൽ വച്ചായിരുന്നു കൂടികാഴ്ച. ഇന്ത്യയുടെ കഥാഖ്യാനത്തിന്റെ ശക്തി സമാനതകളില്ലാത്തതാണെന്ന് താക്കൂർ പറഞ്ഞു. ‘എലിഫന്റ് വിസ്‌പേഴ്‌സ്’ എന്ന ചിത്രത്തിന്റെ നിർമ്മാതാവ് ഗുണീത് മോംഗയും സംവിധായക കാർത്തികി ഗോൺസാൽവസുമാണ് മന്ത്രിയെ കാണാൻ എത്തിയത്.

The power of India’s storytelling is unmatched!#ElephantWhisperers is a ‘trunk‘ full of heartwarming, socially relevant & cinematographically enthralling masterpiece!

Delighted to meet Guneet & Kartiki; & learn abt thr amazing journey while making ths spellbinding documentary. pic.twitter.com/QrHadzdr8B

— Anurag Thakur (@ianuragthakur) March 30, 2023

ചിത്രം ഓസ്‌കാർ നേടിയതിലുള്ള തന്റെ സന്തോഷം അദ്ദേഹം പ്രകടിപ്പിച്ചു. “എലിഫന്റ് വിസ്‌പേഴ്‌സ് എന്നത് ‘ആഹ്ളാദം നിറഞ്ഞ തുമ്പിക്കൈ പോലെയാണ്’. സാമൂഹിക പ്രസക്തിയുള്ളതും ഛായാഗ്രഹണംകൊണ്ട് ആരെയും സ്വാധീനിക്കാൻ സാധിക്കുന്ന മികച്ച കലാസൃഷ്‌ടിയാണ്.”

The cinematic brilliance and success of ‘The Elephant Whisperers’ has drawn global attention as well as acclaim. Today, I had the opportunity to meet the brilliant team associated with it. They have made India very proud. @guneetm @EarthSpectrum pic.twitter.com/44u16fbk3j

— Narendra Modi (@narendramodi) March 30, 2023

ഇന്നലെ എലിഫന്റ് വിസ്‌പേഴ്‌സ് എന്ന ചിത്രത്തിന്റെ നിർമ്മാതാവ് ഗുണീത് മോംഗയും സംവിധായക കാർത്തികി ഗോൺസാൽവസും പ്രധാനമന്ത്രിയെ കാണാനെത്തിയിരുന്നു. ചിത്രത്തിന്റെ സിനിമാറ്റിക് ബ്രില്യൻസും വിജയവും ലോക ശ്രദ്ധ നേടിയെന്നും എല്ലാവരുടെയും പ്രശംസ പിടിച്ചു പറ്റിയെന്നും അദ്ദേഹം പറഞ്ഞു. അതിന്റെ പിന്നിൽ പ്രവർത്തിച്ചരെ കാണാൻ തനിക്ക് അവസരം ലഭിച്ചെന്നും അദ്ദേഹം സമൂഹമാദ്ധ്യമങ്ങളിൽ പറഞ്ഞു. നിർമ്മാതാവ് ഗുണീത് മോംഗയ്‌ക്കും സംവിധായക കാർത്തികി ഗോൺസാൽവസിനുമൊപ്പമുള്ള ചിത്രങ്ങളും അദ്ദേഹം പങ്കുവെച്ചു.