ടെലിവിഷൻ താരങ്ങളിൽ എല്ലാവർക്കും ഏറെ പ്രിയപ്പെട്ട നടിയാണ് അമൃത നായർ. തന്റെ യൂട്യൂബ് ചാനലിലൂടെ താരത്തിന്റെ വീട്ടിലെ വിശേഷങ്ങളും ആരാധകരിൽ എത്തിക്കാറുണ്ട്. അമ്മയുടെ ആരോഗ്യ പ്രശ്നത്തെ കുറിച്ചാണ് അമൃത പുതിയ വീഡിയോയിലൂടെ പങ്കുവെച്ചിരിക്കുന്നത്.
ഇനി ആർക്കും ഇങ്ങനെ ഒരു അവസ്ഥ ഉണ്ടാകാതിരിക്കട്ടെ എന്ന് കുറിച്ചു കൊണ്ടാണ് നടി വീഡിയോ പങ്കുവെച്ചത്. ഇത്തരത്തിലുള്ള ആരോഗ്യ പ്രശ്നങ്ങൾ ശ്രദ്ധിക്കണമെന്നും താരം ആരാധകർക്ക് മുന്നറിയിപ്പ് നൽകി. അമൃതയുടെ അമ്മയ്ക്ക് പെട്ടെന്നൊരു ദിവസം നെഞ്ചുവേദന അനുഭവപ്പെടുകയും തുടർന്ന് തല കറങ്ങി വീഴുകയുമായിരുന്നു
അമ്മക്ക് ചില മെഡിസിന്റെ പ്രശ്നമുണ്ടെന്നും ആശുപത്രിയിൽ കാണിച്ചപ്പോൾ മൈനർ അറ്റാക്കിന്റെ ലക്ഷണമാണെന്നുമാണ് പറഞ്ഞത്. വീട്ടിൽ വന്നിട്ടും വീണ്ടും ഇതേ അവസ്ഥയുണ്ടായി. പല തവണ ആശുപത്രിയിൽ കാണിച്ചു. ഒടുവിലാണ് യൂട്രസ്സിൽ ഫൈബ്രോയ്ഡ് ഉണ്ടായിരുന്നുവെന്ന് അറിഞ്ഞത്. അത് പരിധിക്കപ്പുറം വളർന്നിരുന്നു. ഇതിനെ തുടർന്നുണ്ടായ ആർത്തവ പ്രശ്നങ്ങളൊന്നും അമ്മ ശ്രദ്ധിച്ചിരുന്നില്ല. ഇപ്പോൾ സീരിയസ് സ്റ്റേജിലാണ്. യൂട്രസ്സ് റിമൂവ് ചെയ്യുക അല്ലാതെ മറ്റു മാർഗമില്ല. ഡോക്ടർ സർജറി നിർദ്ദേശിച്ചിട്ടുണ്ട് എന്നായിരുന്നു അമൃത പറഞ്ഞത്.
