തിരുവനന്തപുരം: കരിക്കം ശ്രീ ചാമുണ്ഡി ക്ഷേത്രത്തിലെ ചരിത്രപ്രസിദ്ധമായ പൊങ്കാല ഇന്ന്. രാവിലെ 9.40-ന് ക്ഷേത്ര തന്ത്രി പുലിയന്നൂർ ഇല്ലത്ത് നാരായണൻ അനുജൻ നമ്പൂതിരിപ്പാടിന്റെ കാർമ്മികത്വത്തിൽ പണ്ടാര അടുപ്പിൽ തീ പടരും. ഉച്ചയ്ക്ക് 2.15-ന് തങ്കത്തിൽ പൊതിഞ്ഞ ഉടവാൾ പൊങ്കാല കളത്തിൽ എഴുന്നുള്ളിച്ച് പൊങ്കാല തർപ്പണം നടത്തും.
രാത്രി അത്താഴ പൂജയ്ക്ക് ശേഷം ദേവിയുടെ ഉടവാൾ ഗുരുതി കളത്തിൽ എഴുന്നുള്ളിച്ച് ഗുരുതി നടത്തുന്നതോടെ ഈ വർഷത്തെ പൊങ്കാല ഉത്സവത്തിന് സമാപനമാകും. തിങ്കളാഴ്ച രാവിലെ 7.30-നാണ് നടത്തുറക്കുന്നത്. ആറാം ഉത്സവ ദിവസമായ ഇന്നലെ ഭക്തിനിർഭരമായ സന്നിധിയിൽ ആയിരങ്ങളെ സാക്ഷിയാക്കിയാണ് ദേവിയെ പുറത്തെളുന്നുള്ളിച്ചത്.
ഭക്തർ പൂർണമായും ഹരിതചട്ടം പാലിക്കണമെന്ന് ഭാരവാഹികൾ നിർദേശിച്ചു. ജില്ലയിലെ വിവിധ കെഎസ്ആർടിസി ഡിപ്പോകളിൽ നിന്നും ക്ഷേത്രത്തിലേക്ക് പ്രത്യേക ബസ് സർവീസുണ്ടാകും. തിരികെ പോകുന്നതിനായി ബൈപാസിൽ ഇരുവശങ്ങളിലായി ബസുകൾ ക്രമീകരിക്കും.
Comments