മുംബൈ: ഇന്ത്യയുടെ കലാ-സാംസ്കാരിക പൈതൃകത്തെ പ്രോത്സാഹിപ്പിക്കുന്നതിനും ആഘോഷിക്കുന്നതിനുമുള്ള നിത അംബാനിയുടെ സ്വപ്ന പദ്ധതിയാണ് സാംസ്കാരിക കേന്ദ്രം. വെള്ളിയാഴ്ച രാത്രിയായിരുന്നു നിത മുകേഷ് അംബാനി കൾച്ചറൽ സെന്ററിന്റെ ഉദ്ഘാടന ചടങ്ങ്. നിരവധി താരങ്ങളാണ് ചടങ്ങിൽ പങ്കെടുക്കാനെത്തിയത്.
ഇവരുടെ ചിത്രങ്ങളാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. പരമ്പരാഗത വേഷത്തിലാണ് ആകാശ് അംബാനിയും ശ്ലോക മേത്തയും ചടങ്ങിലെത്തിയത്. പ്രതിശ്രുത വധു രാധിക മെർച്ചന്റിനൊപ്പം അനന്ത് അംബാനി എത്തിയത്.
രജനികാന്തും മകൾ സൗന്ദര്യയെയുെം എത്തിയിരുന്നു. കൂടാതെ, വിദ്യാ ബാലൻ. ആലിയ ഭട്ട്, ആമിർ ഖാന്, സച്ചിൻ ടെണ്ടുൽക്കർ, തുടങ്ങിയവരും ചടങ്ങിലെത്തിയിരുന്നു.
മുംബൈ ബാന്ദ്ര-കുർള കോംപ്ലക്സിലെ ജിയോ വേൾഡ് സെന്ററിലാണ് നിത അംബാനി കൾച്ചറൽ സെന്ററിന്റെ ആസ്ഥാനം. ഇന്ത്യൻ കലയുടെയും സംസ്കാരത്തിന്റെയും ഏറ്റവും മികച്ച പ്രദർശന കേന്ദ്രമാണിവിടം. ഇന്ത്യയിലെ ഏറ്റവും അത്യാധുനികവും ഐതിഹാസികവും ലോകോത്തരവുമായ സാംസ്കാരിക കേന്ദ്രവും ദൃശ്യകലകളുടെ അവതരണ കേന്ദ്രവുമായ എൻഎംഎസിസി ഗംഭീരമായ അരങ്ങേറ്റത്തിന് ഒരുങ്ങുകയാണ് എന്നാണ് നിതാ അംബാനി പറഞ്ഞത്.
