മുംബൈ: ഛത്രപതി ശിവജി ഉയർത്തിപ്പിടിച്ച ഹിന്ദുത്വത്തെ കോൺഗ്രസ് അംഗീകരിക്കുന്നുവെന്ന് മഹാരാഷ്ട്ര പിസിസി അദ്ധ്യക്ഷൻ നാനാ പട്ടോലെ. ഹിന്ദുത്വത്തിന്റെ കാര്യത്തിൽ കോൺഗ്രസിന് വ്യക്തതയുണ്ടെന്നും ശിവജിയുടെ ഹിന്ദുത്വത്തെ തങ്ങൾ അംഗീകരിക്കുന്നുവെന്നും അദ്ദേഹം മുംബൈയിൽ പറഞ്ഞു. മാദ്ധ്യമങ്ങളുടെ ചോദ്യത്തിന് പറുപടി നൽകിക്കൊണ്ടായിരുന്നു നാനാ പട്ടോലെയയുടെ പ്രതികരണം.
മഹാരാഷ്ട്ര മുഖ്യമന്ത്രി ഏകനാഥ് ഷിൻഡെയുടെ നേതൃത്വത്തിൽ എംഎൽഎമാർ നടത്താനിരിക്കുന്ന അയോദ്ധ്യ സന്ദർശനത്തിൽ താനിക്കും ക്ഷണമുണ്ടായിരുന്നു. പോകാത്തത് തിരക്കുകൾ കാരണമാണ്. വൈകാതെ അയോദ്ധ്യ സന്ദർശിക്കുമെന്നും പട്ടോലെ പറഞ്ഞു.
ഹിന്ദുത്വവും സവർക്കറും ചർച്ചകളിൽ നിറഞ്ഞു നിൽക്കുന്ന സമയത്താണ് പിസിസി അദ്ധ്യക്ഷന്റെ ഇത്തരത്തിലുള്ള പ്രതികരണമെന്നതാണ് ശ്രദ്ധേയം. സവർക്കറെ അപമാനിക്കുന്നതിനെതിരെ ഉദ്ദവ് താക്കറെ രാഹുലിനെതിരെ രംഗത്തുവന്നിരുന്നു.
