മലയാളി പ്രേക്ഷകർക്ക് ഏറെ പ്രിയപ്പെട്ട താരങ്ങളാണ് സ്നേഹയും ശ്രീകുമാറും. നീണ്ട കാലത്തെ പ്രണയത്തിന് ശേഷമാണ് ഇരുവരും വിവാഹിതരായത്. ഇരുവരും ആദ്യത്തെ കൺമണിക്കായുള്ള കാത്തിരിപ്പിലാണ്. താൻ ഗർഭിണിയാണെന്ന വാർത്ത സ്നേഹ നേരത്തെ ഇൻസ്റ്റഗ്രാമിലൂടെ ആരാധകരെ അറിയിച്ചിരുന്നു. ഇപ്പോഴിതാ തന്റെ വളകാപ്പ് ചടങ്ങിന്റെ ചിത്രങ്ങൾ പങ്കുവെച്ചിരിക്കുകയാണ് സ്നേഹ.
വയലറ്റ് നിറത്തിലെ സാരിയണിഞ്ഞ് അതീവ സുന്ദരിയായാണ് സ്നേഹ ചിത്രങ്ങളിൽ. അതേ നിറത്തിലെ ഷർട്ടും മുണ്ടുമാണ് ശ്രീകുമാറും വേഷം. പരമ്പരാഗര രീതിയിലുള്ള ആഭരണങ്ങൾ അണിഞ്ഞ് മുല്ലപ്പൂ ചൂടിയാണ് സ്നേഹ ചടങ്ങിനൊരുങ്ങിയത്. നേരത്തെ കൂട്ടുകാർക്കൊപ്പമുള്ള ബേബി ഷവറിന്റെ ചിത്രങ്ങളും സ്നേഹ പോസ്റ്റ് ചെയ്തിരുന്നു. നടിമാരായ സ്വാസിക, അന്ന രാജൻ, വീണ നായർ തുടങ്ങിയവർ ചടങ്ങിനെത്തിയിരുന്നു.
