ചെന്നൈ: തെന്നിന്ത്യയുടെ പ്രിയതാരം പ്രശാന്ത് രണ്ടാം വിവാഹത്തിന് ഒരുങ്ങുന്നതായി റിപ്പോർട്ട്. തെന്നിന്ത്യയില് എങ്ങും സാന്നിധ്യമായിരുന്ന നടനും സംവിധായകനുമായ ത്യാഗരാജന്റെ മകനാണ് പ്രശാന്ത്. അടുത്തിടെ സിനി ഉലഗത്തിന് നല്കിയ അഭിമുഖത്തില് ത്യാഗരാജന് മകന്റെ തകര്ന്ന ദാമ്പത്യം സംബന്ധിച്ച് പ്രതികരിച്ചിരുന്നു. ത്യാഗരാജന്റെ വാക്കുകൾ സമൂഹമാദ്ധ്യമങ്ങളിൽ വെെറലായതോടെയാണ് പ്രശാന്ത് രണ്ടാം വിവാഹത്തിന് ഒരുങ്ങുന്നെന്നുള്ള വാർത്തകൾ പ്രചരിക്കുന്നത്.
2005-ലാണ് പ്രശാന്ത് വിവാഹം കഴിച്ചത്. വീട്ടുകാര് കണ്ടുപിടിച്ച ഗൃഹലക്ഷ്മി എന്ന യുവതിയെ പ്രശാന്ത് വിവാഹം കഴിച്ചെങ്കിലും മൂന്ന് വർഷങ്ങൾക്കുള്ളിൽ ഇരുവരും വേർപിരിഞ്ഞു. ഗൃഹലക്ഷ്മി പ്രശാന്തിനെതിരെ സ്ത്രീധന പീഡന കേസും നല്കിയിരുന്നു.
എന്നാൽ അന്നുണ്ടായ വിവാദങ്ങള് ശരിക്കും പ്രശാന്തിനെ തകര്ത്തു.
അതേസമയം പ്രശാന്ത് അന്ന് പ്രേമിച്ച് വിവാഹം കഴിച്ചിരുന്നെങ്കില് ഇത്രയും പ്രശ്നം ഉണ്ടാകുമായിരുന്നില്ലെന്നാണ് ത്യാഗരാജന് ഇപ്പോള് പറയുന്നത്. പുതിയ ചിത്രത്തിന്റെ റിലീസിന് ശേഷം മകന്റെ ജീവിതവുമായി ബന്ധപ്പെട്ട നിര്ണ്ണായക തീരുമാനങ്ങള് എടുക്കുമെന്നും അദ്ദേഹം പറഞ്ഞു. മകന്റെ ജീവിതത്തില് വീണ്ടും ഒരു വിവാഹത്തെക്കുറിച്ചുള്ള സൂചനകളും ത്യാഗരാജന് നല്കിയിട്ടുണ്ട്.
ഒരുകാലത്ത് തെന്നിന്ത്യയിലെ മുന്നിര നായകനായിരുന്നു നടന് പ്രശാന്ത്. ശങ്കറിന്റെ ബ്രഹ്മാണ്ഡ ചിത്രം ജീന്സിലെ നായകനെ മലയാളികളടക്കം അത്രവേഗം മറക്കാന് സാധ്യതയില്ല. ഇന്ന് ഏറെ ആരാധകരുള്ള അജിത്തിനും വിജയിക്കും മുന്പ് തന്നെ താര പദവി പ്രശാന്തിന് ഉണ്ടായിരുന്നു. ഒരു സെറ്റില് അജിത്തിന് കിട്ടിയതിനെക്കാള് സ്വീകരണം മുന്പ് പ്രശാന്തിന് കിട്ടിയിരുന്നു. അന്നത്തെ കോളിവുഡിലെ പ്രധാന വാര്ത്തകളില് ഒന്നായിരുന്നു ഇത്. എന്നാല് അച്ഛന്റെ നിഴലില് നിന്ന് ആദ്യം ലഭിച്ച വിജയങ്ങളും അവസരങ്ങളും മുതലാക്കാന് സാധിക്കാതെ പ്രശാന്തിന്റെ കരിയര് മെല്ലെ മെല്ലെ ഇല്ലാതാകുന്ന കാഴ്ചയാണ് പിന്നീട് കണ്ടത്.
Comments