ഇന്ത്യൻ ഇതിഹാസ സംവിധാനകൻ മണിരത്നത്തിന്റെ ബ്രഹ്മാണ്ഡ ചിത്രമായ പൊന്നിയിൻ സെൽവൻ രാജ്യമെമ്പാടും ശ്രദ്ധയാകർഷിച്ച ഒന്നാണ്. ‘പൊന്നിയിൽ സെൽവൻ’രണ്ടാം ഭാഗം ഏപ്രിൽ എട്ടിന് റിലീസ് ചെയ്യാനിരിക്കെയാണ് ചിത്രത്തിലെ പുതിയ ഗാനം പുറത്തിറങ്ങിത്. ‘വീര രാജ വീര’എന്ന് തുടങ്ങുന്ന മധുര മനോഹര ഗാനം ചിത്രത്തിലെ അണിയറപ്രവർത്തകർ പുറത്തുവിട്ടിരിക്കുകയാണ്.
എ ആർ റഹ്മാൻ സംഗീതം നൽകിയ ഗാനം ശങ്കർ മഹാദേവൻ, കെ എസ് ചിത്ര, ഹരിണി എന്നിവരാണ് ആലപിച്ചിരിക്കുന്നത്. ചിത്രത്തിൽ ജയം രവി അവതരിപ്പിക്കുന്ന കേന്ദ്ര കഥാപാത്രമായ അരുൾമൊഴിയുടെയും ശോഭിത ധൂലിപാല അവതരിപ്പിക്കുന്ന വാനതിയുടെയും പ്രണയം വരച്ചുക്കാട്ടുന്ന ഗാനമാണ് പുറത്തുവന്നിരിക്കുന്നത്. ഗാനത്തിലുടനീളം ഇരുവരുടെയും പ്രണയരംഗത്തോടൊപ്പം മനോഹരമായ ദൃശ്യവൽക്കരണമാണ് ചിത്രീകരിച്ചിരിക്കുന്നത്.
ശക്തിശ്രീ ഗോപാലൻ ആലപിച്ച ‘ആഗ നാഗ’ എന്ന ഗാനം നേരത്തെ പുറത്തിറങ്ങിയിരുന്നു. തൃഷ അവതരിപ്പിക്കുന്ന കുന്ദവൈയും കാർത്തി അവതരിപ്പിക്കുന്ന വല്ലവരായൻ വന്ദിയത്തേവനും തമ്മിലുള്ള പ്രണയമാണ് ഗാനത്തിൽ ചിത്രീകരിച്ചിരുന്നത്. പൊന്നിയിൻ സെൽവത്തിന്റെ ഓരോ പുതിയ വിവരങ്ങൾക്കും പ്രേക്ഷകരുടെ ഇടയിൽ മികച്ച സ്വീകാര്യതയാണുള്ളത്. ഈ ഗാനവും ആരാധകർ ഇരും കൈയും നീട്ടി സ്വീകരിക്കും എന്നതിൽ യാതൊരു സംശയവുമില്ല. ജയം രവി, വിക്രം, ജയറാം, കാർത്തി, റഹ്മാൻ, പ്രഭു, ശരത് കുമാർ, പ്രകാശ് രാജ്, ലാൽ, വിക്രം പ്രഭു, പാർഥിപൻ, ബാബു ആന്റണി, റിയാസ് ഖാൻ, ഐശ്വര്യ റായ്, തൃഷ, ശോഭിത ധൂലിപാല, ജയചിത്ര തുടങ്ങി വൻ താരനിര തന്നെ ചിത്രത്തിലുണ്ട്.
തമിഴിന് പുറമെ മലയാളം, തെലുങ്ക്, കന്നഡ, ഹിന്ദി ഭാഷകളിലും ചിത്രം പുറത്തിറങ്ങും. ഛായാഗ്രഹണം രവി വർമ്മനും കലാസംവിധാനം തോട്ട തരണിയും വസീം ഖാനും ചേർന്നാണ്. എഡിറ്റിംഗ് ശ്രീകർ പ്രസാദാണ്. കൽക്കി കൃഷ്ണമൂർത്തിയുടെ ഇതിഹാസ നോവലിനെ ആസ്പദമാക്കിയാണ് മണിരത്നത്തിന്റെ ‘പൊന്നിയിൻ സെൽവൻ’ഒരുക്കിയിരിക്കുന്നത്.
ശ്യാം കൗശലാണ് ആക്ഷൻ കൊറിയോഗ്രഫി. ബൃന്ദയാണ് നൃത്ത സംവിധാനം. ആനന്ദ് കൃഷ്ണമൂർത്തിയാണ് സൗണ്ട് ഡിസൈനർ.
