അർജുൻ അശോകൻ ചിത്രമായ ‘ഖജുരാഹോ ഡ്രീംസ് ‘ടീസർ പുറത്തുവിട്ടു ചിത്രത്തിലെ അണിയറ പ്രവർത്തകർ. ടീസറിലൂടെ തന്നെ കഥാപാത്രങ്ങളുടെ കഥ പറയുന്നതാണ് പുറത്തുവന്നിരിക്കുന്ന ടീസർ. നാല് വ്യത്യസ്ഥ സ്വഭാവമുള്ള ചെറുപ്പക്കാരും അവരുമായി ബന്ധപ്പെട്ടിരിക്കുന്ന വിഷയങ്ങളുമാണ് ചിത്രത്തിലെ ഇതിവൃത്തം. അർജുൻ അശോകൻ, ധ്രുവൻ, ശ്രീനാഥ് ഭാസി, ഷറഫുദ്ദീൻ, അതിഥി രവി എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി അവതരിപ്പിക്കുന്നത്.
പുതിയ തലമുറയുടെ കാഴ്ച്ചപ്പാടുകൾക്കൊപ്പം സഞ്ചരിക്കുന്ന ചിത്രമാണ് ‘ഖജുരാഹോ ഡ്രീംസ്’. ടീസർ പുറത്ത് വന്നതോടെ താരങ്ങളുടെ ആരാധകർ ചിത്രത്തിനായി ആകാംക്ഷാഭരിതരായിരിക്കുകയാണ്. കോമഡിയും സാമൂഹ്യപ്രശ്നങ്ങളും ഒത്തുച്ചേർന്ന മൾട്ടി സ്റ്റാർ ചിത്രമാണ് ‘ഖജുരാഹോ ഡ്രീംസ്’. മലയാള സിനിമ ഇതുവരെ കാണാത്ത് ലൊക്കേഷനുകളാണ് ചിത്രത്തിലുടനീളം. മദ്ധ്യപ്രദേശിലെ ഖജുരാഹോ എന്ന് ക്ഷേത്രത്തിന്റെ സവിശേഷതകൾ കേട്ടറിഞ്ഞ് അവിടെക്ക് പോകാൻ തായാറെടുക്കുകയും തുടർന്ന് അവരുടെ ജീവിതത്തിൽ നടക്കുന്ന സംഭവ വികാസങ്ങളുമാണ് കഥ.
സമൂഹത്തിൽ വ്യത്യസ്ഥമായ തലങ്ങളിൽ പ്രവർത്തിക്കുന്ന നാല് ചെറുപ്പക്കാർ. ഇവരുടെ ജീവിതത്തിലേക്ക് ലോല എന്ന പെൺകുട്ടി കയറി വരുന്നതാണ് ചിത്രത്തിലെ മറ്റൊരു ട്വിസ്റ്റ്. ആൺ-പെൺ വിവേചനമില്ലാതെ ലോല സൗഹൃദം പങ്കിടുകയും ചെറുപ്പകാരുമായി നല്ലൊരു ബന്ധം സ്ഥാപിക്കുകയും ചെയ്യുന്നു. സൗഹൃദത്തിന്റെ കഥ കൂടിയാണ് ഈ ചിത്രം പറയുന്നത്. അഞ്ച് സുഹൃത്തുക്കളുടെ ആത്മബന്ധവും ഇവർ നടത്തുന്ന റോഡ് ട്രിപ്പുമാണ് ചിത്രത്തിന്റെ പ്രധാന പശ്ചാത്തലം.
സോഹൻ സീനുലാൽ, സാദിഖ്, വർഷാ വിശ്വനാഥ്, നേഹാ സക്സേന എന്നിവരും ചിത്രത്തിലെ പ്രധാന കഥാപാത്രങ്ങളായി അവതരിക്കുന്നുണ്ട്. നവാഗതസംവിധായകൻ മനോജ് വാസുദേവന്റെ സംവിധാനത്തിലാണ് ചിത്രമൊരുങ്ങുന്നത്. ഗുഡ് ലൈൻ പ്രൊഡക്ഷൻസിന്റെ ബാനറിൽ എം കെ നാസർ നിർമ്മിക്കുന്ന ചിത്രമാണ് ‘ഖജുരാഹോ ഡ്രീംസ്’. ഹരി നാരായണന്റെ വരികൾക്ക് ഗോപി സുന്ദറാണ് സംഗീതം നൽകിയിരിക്കുന്നത്.
