തിരുവനന്തപുരം : യു.എ.ഇ. സര്ക്കാരിന്റെ ഔദ്യോഗിക ക്ഷണപ്രകാരമാണ് അബുദാബിയിലേക്ക് എത്തുന്നത് എന്നത് പിണറായി സർക്കാരിന്റെ നുണപ്രചാരണം . അബുദാബി സര്ക്കാര് സംഘടിപ്പിക്കുന്ന ഇന്വെസ്റ്റിമെന്റ് മീറ്റിലേക്ക് ക്ഷണം ലഭിച്ചതിനാലാണ് നാലുദിവസത്തെ യാത്രയ്ക്കായി പോകുന്നു എന്നാണ് പറയുന്നത്. എന്നാല് അങ്ങനെ ക്ഷണമൊന്നും യു എ ഇ നല്കിയിട്ടില്ല. മറ്റൊരു രാജ്യത്തെ മുഖ്യമന്ത്രിമാരെ ക്ഷണിക്കുന്ന രീതി പതിവില്ല.
ഇന്ത്യന് എംബസിയോ യുഎഇ കോണ്സിലേറ്റോ അറിഞ്ഞുമാത്രമേ ഔദ്യോഗിക ക്ഷണം ഉണ്ടാകൂ. കേരള മുഖ്യമന്ത്രിയെ ക്ഷണിച്ച വിവരം എംബസി അറിഞ്ഞിട്ടില്ല. ഔദ്യോഗികമായി യുഎഇ സര്ക്കാറിന്റെ പരിപാടിയില് പങ്കെടുക്കണമെങ്കില് കേന്ദ്ര സര്ക്കാറിന്റെ അനുമതിയും ആവശ്യമാണ്.
2022 ഒക്ടോബറിൽ പിണറായി പോയത് മകനെ കാണാനായിരുന്നുവെന്ന് വിദേശകാര്യ മന്ത്രാലയം വ്യക്തമാക്കിയിരുന്നു . യൂറോപ്യൻപര്യടനം കഴിഞ്ഞു വന്ന മുഖ്യമന്ത്രി യുഎഇയിൽ തങ്ങിയത് ദുരൂഹമാണെന്ന് പ്രതിപക്ഷം ആരോപിച്ചിരുന്നു. ഈ വാദങ്ങൾ തള്ളിക്കൊണ്ടാണ് വിദേശകാര്യമന്ത്രാലയം അനുമതി നൽകിയ രേഖകൾ പൊതു ഭരണ വകുപ്പ് പുറത്തുവിട്ടത്.
2015ലാണ് വിദേശകാര്യമന്ത്രാലയം യാത്രാ വിവരം അറിയിക്കണമെന്ന സർക്കുലർ പുറത്തിറക്കിയത്. വിദേശകാര്യമന്ത്രാലയം അനുമതി നല്കിയില്ലെങ്കിൽ സാധാരണ നിലയിൽ മുഖ്യമന്ത്രിമാരും മന്ത്രിമാരും വിദേശയാത്ര നടത്താറില്ല.
മേയ് എട്ടു മുതല് പത്തുവരെ അബുദാബി നാഷണല് എക്സിബിഷന് സെന്ററിലാണ് ഇന്വെസ്റ്റ്മെന്റ് മീറ്റ്. യു എ ഇ വിദേശ വാണിജ്യകാര്യ മന്ത്രി ഡോ. താനി അഹമ്മദ് അല് സെയൂദിയാണ് മുഖ്യമന്ത്രിയെ ക്ഷണിച്ചതെന്ന് എന്നാണ് പറയുന്നത്.തിരുവനന്തപുരത്ത് ലുലുഗ്രൂപ്പിന്റെ മാള് ഉദ്ഘാടനത്തിന് എത്തിയപ്പോള് മന്ത്രി ഡോ. താനി അഹമ്മദ്, ദുബായ് എക്സ്പോയില് പങ്കെടുക്കാന് മുഖ്യമന്ത്രിയെ ക്ഷണിക്കുകയും 2022 ഫെബ്രുവരിയില് എക്സ്പോയില് പങ്കെുക്കുകയും ചെയ്തിരുന്നു. സൗഹൃദത്തിന്റെ പേരിലുള്ള ക്ഷണം എന്നല്ലാതെ ഔദ്യോഗിക പരിവേഷമൊന്നും ഉണ്ടായിരുന്നില്ല .
Comments