നിർമ്മിത ബുദ്ധിയുടെ അനന്ത സാദ്ധ്യതകൾ മനുഷ്യ ജിവിതത്തിൽ വരുത്തുന്ന മാറ്റങ്ങൾ പ്രവചനാതീതമാണ്. കൊച്ചു കുട്ടികൾ വളർന്ന് വലുതാകുമ്പോൾ ഏത് തരത്തിലുള്ള രൂപമാറ്റം ഉണ്ടാകും, അതുപോലെ പ്രായമായവർ കുഞ്ഞായിരിക്കുമ്പോൾ കാണാൻ എങ്ങനെയായിരിക്കും തുടങ്ങി ചോദ്യങ്ങൾക്ക് നിഷപ്രയാസം ഉത്തരം നൽകാൻ നിർമ്മിത ബുദ്ധി അടിസ്ഥാനമാക്കി പ്രവർത്തിക്കുന്ന ആപ്പുകൾക്ക് സാധിക്കും.
മിക്കവരും തങ്ങളുടെ വിവിധ കാലഘട്ടങ്ങളിലെ ഫോട്ടോ ഇത്തരത്തിൽ പരിക്ഷിക്കുകയും ചെയ്തിട്ടുണ്ട്. എന്നാൽ ഇന്ന് ആഗോള സമൂഹമാദ്ധ്യമങ്ങളിൽ ട്രെൻഡിംഗായിരിക്കുന്നത് ‘സ്ലംഡോഗ് മില്യണർ’മാരുടെ ഫോട്ടോകളാണ്. തികച്ചും പരിതാപകരമായ ജിവിതസാഹചര്യങ്ങളിൽ മില്യണർമാരുടെ ജീവിതം അടിസ്ഥാനമാക്കിയുള്ളതാണ് ചിത്രങ്ങൾ.
ടെസ്ല മേധാവി ഇലോൺ മസ്കിന്റെ ഫോട്ടോയാണ് ഇപ്പോൾ സമൂഹ മാദ്ധ്യമങ്ങളിൽ വൈറലായിരിക്കുന്നത്. ‘ആർട്ടിഫിഷ്യൽ ഇന്റലിജൻസ് ആർട്ട് പ്രയോജനപ്പെടുത്തിയാണ് ചിത്രങ്ങൾ സൃഷ്ടിച്ചിരിക്കുന്നത്. മസ്കിനെ കൂടാതെ മൈക്രോ സോഫ്റ്റ് സ്ഥാപകൻ ബിൽഗേറ്റ്, ഫേസ്ബുക്ക് മേധാവി മാർക്ക് സക്കർബഗ്ഗ്, വാറൺ ബഫറ്റ് തുടങ്ങി വിവിധ മില്യൺമാരുടെ ചിത്രങ്ങൾ ഈ കൂട്ടത്തിലുണ്ട്.
മുഷിഞ്ഞ വസ്ത്രങ്ങൾ ധരിച്ച് ഇടിഞ്ഞ് വീഴാറായ കുടിലിന് മുന്നിലാണ് ഇവർ നിൽക്കുന്നത്. ആർട്ടിഫിഷ്യൽ ഇന്റ്ലിജൻസ് ആർട്ടിസ്റ്റായ ഗോകുൽ പിള്ളയാണ് ചിത്രങ്ങൾക്ക് പിന്നിൽ പ്രവർത്തിച്ചിരിക്കുന്നത്. ആയിരക്കണക്കിന് ലൈക്കുകളും ഷെയറുകളുമാണ് പോസ്റ്റിന് ലഭിച്ചത്.
Comments