എറണാകുളം: ട്രാൻസ്‌ജെണ്ടർ യുവതിയുടെ ആത്മഹത്യ ഭീഷണി. ആലുവ പോലീസ് സ്റ്റേഷന് മുന്നിലെ ആൽ മരത്തിന് മുകളിൽ കയറിനിന്നാണ് ആത്മഹത്യ ഭീഷണിയുർത്തിയത്. അന്നാ രാജു എന്ന യുവതിയാണ് ആത്മഹത്യാ ഭീഷണി മുഴക്കിയത്.
അന്നാ രാജു എന്ന ട്രാൻസ്‌ജെണ്ടർ യുവതിയാണ് പുലർച്ചെ മുതൽ ആൽമരത്തിൽ കയറിയത്. ഇതര സംസ്ഥാനക്കാരായ ലൈംഗിക തൊഴിലാളികൾ ഇക്കഴിഞ്ഞ 17ന് അന്നയേയും മറ്റ് ചിലരെയും അക്രമിച്ചിരുന്നു ഇതിനെതിരെ നിലവിൽ കേസ് നൽകിയിട്ടുണ്ട്. ഈ കേസിൽ നടപടിയുണ്ടാകാത്തതിൽ പ്രതിഷേധിച്ചാണ് ആത്മഹത്യാ ഭീഷണി. പിന്നീട് ഇവരെ ഫയർഫോഴ്‌സ് എത്തി താഴെയിറക്കി. തുടർന്ന് ആശുപത്രിയിലേക്ക് മാറ്റി.
