ഈ ലോകത്ത് പ്രേതം ഉണ്ടെന്നും ഇല്ലെന്നും പറയുന്ന ഒരുപാടുപേരുണ്ട്. ചിലർക്ക് ഇത്തരത്തിലുള്ള കാര്യങ്ങളിൽ വലിയ പേടിയാണ്. എന്നാൽ മറ്റുചിലർക്ക് പേടിയില്ലതാനും. പ്രേതത്തെ ഭർത്താവായി സ്വീകരിക്കുക എന്നത് കേൾക്കുമ്പോൾ തന്നെ ആർക്കും അതിശയം തോന്നും. എന്നാൽ അങ്ങനെയൊരു വാർത്തയാണ് ഇപ്പോൾ സമൂഹമാദ്ധ്യമങ്ങളിൽ ഇടം പിടിക്കുന്നത്. യുകെയിലെ 38-കാരിയായ റോക്കർ ബ്രൊക്കാർഡെ എന്ന യുവതിയാണ് താൻ പ്രേതത്തെ വിവാഹം കഴിച്ചെന്നും ഇപ്പോൾ വിവാഹമോചനം വേണമെന്നുമുള്ള വിചിത്രമായ ആവശ്യവുമായി രംഗത്തുവന്നിരിക്കുന്നത്. 2022 ഒക്ടോബർ 31-നായിരുന്നു വിവാഹമെന്നും ബാരി ഐലന്റിൽ മധുവിധു ആഘോഷിച്ചെന്നും റോക്കർ ബ്രൊക്കാർഡെ പറയുന്നുണ്ട്.
https://www.instagram.com/p/CkvRRPpt93o/?utm_source=ig_web_copy_link
https://www.instagram.com/reel/Clv54HZjLZH/?utm_source=ig_web_copy_link
‘താൻ ഒരു ഗായികയാണ്. വിക്ടോറിയൻ സൈനികനായിരുന്ന എഡ്വേർഡോയുടെ പ്രേതത്തെ താൻ പരിചയപ്പെട്ടെന്നും അഞ്ച് മാസങ്ങൾക്ക് ശേഷം വിവാഹം കഴിച്ചെന്നുമാണ് യുവതി പറയുന്നത്. 2022ലെ ഹാലോവീനിൽ ഉപേക്ഷിക്കപ്പെട്ട ഒരു പള്ളിയിൽ വച്ചായിരുന്നു എഡ്വേർഡോയെ ഭർത്താവായി സ്വീകരിച്ചത്. എന്നാൽ ഇപ്പോൾ ഈ എഡ്വേർഡോ തന്റെ എല്ലാ നീക്കങ്ങളും ശ്രദ്ധിക്കുകയാണെന്നും ജീവിതം നരകമാക്കിയെന്നും യുവതി കൂട്ടിച്ചേർത്തു. തന്റെ വ്യക്തിസ്വാതന്ത്ര്യം പ്രേതം ഹനിക്കുന്നു എന്നും വേർപെട്ട് പോകാമെന്ന തീരുമാനം പ്രഖ്യാപിച്ചതിന് ശേഷം തന്നെ പിന്തുടരുകയാണെന്നും അതിനാൽ തനിക്ക് വിവാഹ മോചനം വേണമെന്നാണ് യുവതിയുടെ ആവശ്യം.
ഇടയ്‌ക്കിടെ കുഞ്ഞിനെ പോലെ കരഞ്ഞ് തന്നെ ഭയപ്പെടുത്തുകയാണ് എഡ്വേർഡോയുടെ പ്രേതമെന്നും സഹിക്കാവുന്നതിന്റ പരമാവധി താൻ സഹിച്ചെന്നും ഈ അടിച്ചമർത്തലുകൾ ഇനിയും സഹിക്കാനാകില്ല. എഡ്വേർഡോയുമായുള്ള വിവാഹ ബന്ധം ഒരിക്കലും ശരിയാകില്ല എന്നും മനസ്സിലായി. മാത്രമല്ല വിവാഹ ബന്ധം വേർപ്പെടുത്തുന്നതിൽ എഡ്വേർഡോയ്‌ക്ക് അതൃപ്തിയുണ്ടെന്നും അത് തനിക്ക് ബോധ്യപ്പെട്ടിട്ടുണ്ട്. വിവാഹത്തെ കുറിച്ച് ഒരു കൗൺസിലിംഗ് നടത്താൻ ഞങ്ങൾ മുൻപ് തീരുമാനിച്ചിരുന്നു. എന്നാൽ എഡ്വേർഡോ ഇത് ഗൗരവത്തിൽ എടുത്തില്ലെന്നും എഡ്വേർഡോ തന്റെ ജീവിതത്തിലേക്കു വരുന്നതിനു മുൻപ് പ്രേതത്തിലൊന്നും തനിക്കു വിശ്വാസമുണ്ടായിരുന്നില്ലെന്നും റോക്കർ ബ്രൊക്കാർഡെ പറയുന്നു.
