കൊതുക് കടിച്ചാൽ തന്നെ അസ്വസ്ഥരാകുന്നവരാണ് നമ്മൾ. ഒരു പക്ഷെ മറ്റ് മൃഗങ്ങളെക്കാൽ മനുഷ്യന് നിത്യേന ശല്യമാകുന്നത് ചെറു പ്രാണികളാണ്. പ്രത്യേകിച്ച് ഈച്ച, വണ്ട് പോലുള്ളവ. കണ്ടാൽ കുഞ്ഞനെങ്കിലും മനുഷ്യന് ഭീഷണിയാകുന്ന ഒരുപാട് ചെറു പ്രാണികൾ നമുക്ക് ചുറ്റുമുണ്ട്. അത്തരത്തിൽ ഒന്നിനെ പരിചയപ്പെടാം. ശത്രുക്കളുടെ ആക്രമണത്തിൽ നിന്നും രക്ഷപ്പെടാൻ കാന്താരിഡിൻ എന്ന വിഷവസ്തു ഉൽപാദിപ്പിക്കുന്ന ഒരു ചെറു പ്രാണിയാണ് സ്പാനിഷ് ഫ്ലൈ. ബ്ലിസ്റ്റര് ബീറ്റില് എന്നും ഇവ അറിയപ്പെടുന്നു.
കണ്ടാൽ സുന്ദരനാണെങ്കിലും മരണത്തിന് തന്നെ ഇവ കാരണമായേക്കാം എന്ന് ശാസ്ത്രജ്ഞർ പറയുന്നു. ഒന്നുകടിച്ചാൽ വൃക്കയുടെ പ്രവർത്തനം വരെ തകരാരിലാകുമെന്നാണ് ഡോക്ടർമാരുടെ മുന്നറിയിപ്പ്. ഇവയുടെ വിഷം ചർമ്മത്തിൽ പറ്റിയാൽ വലിയ കുമിളകളും ശക്തമായ വേദനയും അനുഭവപ്പെടുന്നു. അറിയാതെ ഈ വണ്ടിനെ ഭക്ഷിച്ചാൽ, വിഷം ഉള്ളിൽ ചെല്ലും. ഇതോടെ ദഹനനാളത്തിലുടനീളം അൾസർ, കുമിളകൾ വരും. ശക്തമായ രക്തസ്രാവം ഉണ്ടാകും. ഇങ്ങനെ മരണം സംഭവിക്കും.
ഓരോ വണ്ടിലും 0.2-0.7 മില്ലിഗ്രാം കാന്താരിഡിൻ അടങ്ങിയിട്ടുണ്ട്. പുരുഷന്മാരിൽ സ്ത്രീകളേക്കാൾ ഗണ്യമായ അളവിൽ കാന്താരിഡിൻ കൂടുതലാണ്. സ്പാനിഷ് വണ്ട് യുറേഷ്യയിൽ ഉടനീളം കാണപ്പെടുന്നു. ഇത് പ്രധാനമായും തെക്കൻ യൂറോപ്യൻ ഇനമാണ്. പ്രായപൂർത്തിയായ വണ്ടുകൾ പ്രധാനമായും ചാരം , ലിലാക്ക് , അമുർ പ്രിവെറ്റ് , ഹണിസക്കിൾ , വൈറ്റ് വില്ലോ എന്നിവയുടെ ഇലകളാണ് ഭക്ഷിക്കുന്നത്. പ്ലം , റോസ് , എൽമ് എന്നിവയിലും ഈ വണ്ടുകൾ കണ്ടപ്പെടുന്നു.
