അമൃത്സർ: മുഖത്ത് ത്രിവർണ പതാക വരച്ച യുവതിയെ സുവർണ ക്ഷേത്രത്തിനുള്ളിലേക്ക് പ്രവേശിപ്പിച്ചില്ലെന്ന് പരാതി. പഞ്ചാബിലെ അമൃത്സറിൽ സ്ഥിതിചെയ്യുന്ന പ്രധാന സിഖ് ആരാധനാലയമായ സുവർണ ക്ഷേത്രത്തിലേക്കാണ് ത്രിവർണ പതാകയുടെ പേരിൽ പ്രവേശനാനുമതി നിഷേധിച്ചത്. സംഭവത്തിൽ വീഡിയോ ദൃശ്യങ്ങൾ സോഷ്യൽ മീഡിയയിൽ വൈറലാണ്.
Woman denied entry to Golden Temple because she had a India 🇮🇳 flag painted on her face!
The man who denied her entry into Golden Temple said this is Punjab, not India@AmitShah @PMOIndia @narendramodi @GoldenTempleInd @ArvindKejriwal
Is bande ko Pakistan ke Punjab bhejo pic.twitter.com/nSgbOxVkoN
— HARSH KESHRI (@HarshKeshri2209) April 17, 2023
എന്തുകൊണ്ടാണ് പ്രവേശനം നിഷേധിച്ചതെന്ന് ചോദിക്കുമ്പോൾ യുവതിയുടെ മുഖത്ത് പതാകയുണ്ടെന്നാണ് ക്ഷേത്രം ഭാരവാഹി പ്രതികരിച്ചത്. ഇന്ത്യയുടെ ദേശീയ പതാകയാണെന്ന് മറുപടി നൽകിയപ്പോൾ ഇത് പഞ്ചാബാണ്, ഇന്ത്യയല്ലെന്നായിരുന്നു അയാളുടെ പ്രതികരണം. സംഭവം വിവാദമായതോടെ ശിരോമണി ഗുരുദ്വാര പർബന്ധക് കമ്മിറ്റി (എസ്ജിപിസി) വിശദീകരണവുമായി രംഗത്ത് വന്നു.
”ഇതൊരു സിഖ് ആരാധനാലയമാണ്. എല്ലാ മതപരമായ ഇടങ്ങളിലും അവിടുത്തേത് മാത്രമായ ചില രീതികളുണ്ട്. ഞങ്ങൾ എല്ലാവരെയും സ്വാഗതം ചെയ്യുന്നു. ഇവിടുത്തെ ഒരു ഭാരവാഹി മോശമായി പെരുമാറിയതിൽ ക്ഷമ ചോദിക്കുന്നു. യുവതിയുടെ മുഖത്തുണ്ടായിരുന്ന പതാകയുടെ ചിത്രത്തിൽ അശോക ചക്രം ഉണ്ടായിരുന്നില്ല. അതിനാൽ ഇന്ത്യയുടെ ത്രിവർണ പതാകയായി കണക്കാക്കാൻ കഴിയില്ല. അത് ചിലപ്പോൾ രാഷ്ട്രീയ സംഘടനകളുടെ പതാകയായിരിക്കാം. ”എസ്ജിപിസി ജനറൽ സെക്രട്ടറി വൈറൽ വീഡിയോയെക്കുറിച്ച് പ്രതികരണം നൽകി.
Comments