ന്യുഡൽഹി : ലോകമ്പൊടുമുള്ള ഐഫോൺ ഉപഭോക്താക്കൾക്കായി വാട്സപ്പ്്സ്റ്റിക്കർ മേക്കിംഗ് ടൂൾ പുറത്തിറക്കുന്നു . ഐഫോൺ ഉപഭോക്താക്കൾക്ക് മെറ്റയുടെ ഉടമസ്ഥതയിലുള്ള വാട്സപ്പിൽ സ്റ്റിക്കറുകൾ സൃഷ്ടിക്കാൻ കഴിയുന്ന തരത്തിൽ സ്റ്റിക്കർ മേക്കിംഗ് ടൂൾ പുറത്തിറക്കുന്നതായാണ് റിപ്പോർട്ട്.
വാട്സപ്പ് ട്രാക്ക് ചെയ്യുന്ന വെബ്സെറ്റായ വാട്സപ്പ് ബീറ്റാഇൻഫോർമേഷൻ പ്രകാരമാണ് ഐഒഎസ് 16-ന്റെ പതിപ്പിൽ വാട്സപ്പിന്റെ പുതിയ സവിശേഷത അവതരിപ്പിക്കുന്നത്. ഇതു വഴി ഐഫോൺ ഉപഭോക്താക്കൾക്ക് മറ്റുള്ള ആപ്പുകളെ ആശ്രയിക്കാതെ ഫോൺ ഗാലറിയിൽ ചിത്രങ്ങൾ തെരഞ്ഞെടുത്ത് വാട്സപ്പ് സ്റ്റിക്കറുകളായി മാറ്റാൻ സാധിക്കും. ഇത്തരം പുതിയ ഫീച്ചറുകൾ ആപ്പിൾ ഐഒഎസ് 16 ൽ മാത്രമാണ് ലഭ്യമാക്കുന്നത്. എന്നാൽ ഐഒഎസിന്റെ പഴയ പതിപ്പുകളിൽ സ്റ്റിക്കറുകൾ കൊണ്ടുവരാൻ സാധിക്കുന്നതല്ലെന്ന് കമ്പനി അധികൃതർ അറിയിച്ചു.വാട്സപ്പ് സ്ക്രീൻ ലോക്കിനായി പുതിയ മാറ്റങ്ങൾ കൊണ്ടുവരുന്നുണ്ട്.
