എൺപതുകളിലും തൊണ്ണൂറുകളിലും തെന്നിന്ത്യൻ സിനിമയിൽ നായികയായി നിറഞ്ഞു നിന്നിരുന്ന ഉർവശി മലയളികളുടെ പ്രിയപ്പെട്ട നടിയാണ്. ഉർവശി ഇല്ലാത്ത സൂപ്പർതാര ചിത്രങ്ങൾ ഒരു കാലത്ത് മലയാളത്തിൽ ഉണ്ടായിരുന്നില്ല. ഇപ്പോഴിതാ സിനിമാ ജീവിതത്തിലെ ആദ്യകാല അനുഭവങ്ങൾ പങ്കുവെക്കുകയാണ് നടി ഉർവശി.
മലയാളത്തിലെ താര രാജാക്കൻമാരായ മമ്മൂട്ടിയുടെയും മോഹൻലാലിന്റെയും ചിത്രങ്ങളിൽ ഒരു കാലത്ത് ഉർവശി ആയിരുന്നു സ്ഥിരമായി നായിക. എന്നാൽ ഈ സൂപ്പർ താരങ്ങളുടെ ചിത്രങ്ങളിൽ തുടരെ നായികയായ ഉർവശി പിന്നീട് സ്വയം സൂപ്പർതാര ചിത്രങ്ങളിൽ നിന്നും പിന്മാറുക ആയിരുന്നു. ഇത്തരത്തിൽ സൂപ്പർ താരങ്ങളുടെ നായിക വേഷങ്ങൾ നിരസിച്ചതിന്റെ കാരണം മുൻപ് ഒരിക്കൾ നടി തുറന്ന് പറഞ്ഞിരുന്നു.
അതിനെ കുറിച്ച് ഉർവ്വശിയുടെ വാക്കുകൾ ഇങ്ങനെയാണ്.
മമ്മുക്കയുടെയും ലാലേട്ടന്റെയും ഒക്കെ സിനിമകളിൽ നായികയായി അഭിനയിച്ചത് തന്റെ സിനിമാ ജീവിതത്തിലെ വലിയ എക്‌സ്പീരിയൻസ് ആണെന്നും പക്ഷെ തൊണ്ണൂറുകൾ കഴിഞ്ഞപ്പോൾ ഞാൻ അവരുടെ സിനിമകളിൽ നിന്ന് സ്വയം പിന്മാറി തുടങ്ങിയെന്നും നടി പറയുന്നു. പിന്മാറിയത് കൂടുതൽ സ്ത്രീ കേന്ദ്രീകൃതമായ സിനിമകൾ തിരഞ്ഞെടുക്കാൻ വേണ്ടിയാണ്. മമ്മുക്കയുടെയും ലാലേട്ടന്റെയും സിനിമകളിൽ അഭിനയിക്കുമ്പോൾ അവർക്ക് മാത്രേ അതിൽ കൂടുതൽ പ്രാധാന്യം കാണൂയെന്നും അവരുടെ സ്റ്റാർഡത്തെ വച്ചുള്ള സിനിമയിൽ നായിക കഥാപാത്രം അപ്രസക്തമായിരിക്കുമെന്നും ഉർവശി കൂട്ടിചേർത്തു.
അത് കൊണ്ടാണ് അത്തരം സൂപ്പർതാര സിനിമകൾ സ്വീകരിക്കാൻ പിന്നീട് മടിച്ചത്. പക്ഷെ ലാലേട്ടൻ നായകൻ ആയ കളിപ്പാട്ടം പോലെയുള്ള സിനിമകളിലും മമ്മുക്കയുടെ ആയിരപ്പറ പോലെയുള്ള സിനിമകളിലും തനിക്ക് നായകനോളം തുല്യമായ വേഷം ലഭിച്ചിരുന്നുവെന്നും ഉർവ്വശി വ്യക്തമാക്കിയിരുന്നു.
