അബുദാബി: പെരുന്നാളിനോടനുബന്ധിച്ച് അബുദാബി അന്താരാഷ്ട്ര വിമാനത്താവളത്തില് യാത്രികരുടെ വന് തിരക്കുണ്ടാവുമെന്ന് അധികൃതർ മുന്നറിയിപ്പ് നൽകി. അബുദാബി വിമാനത്താവളത്തിൽ നിന്നും പുറപ്പെടുവിച്ച പ്രസ്താവനയിലാണ് ഇക്കാര്യം അറിയിച്ചത്. ഏപ്രില് 15 മുതല് 23 വരെയാണ് തിരക്കുണ്ടാവുക. ഇക്കാലയളവില് അബുദാബി അന്താരാഷ്ട്ര വിമാനത്താവളം വഴി അഞ്ചുലക്ഷത്തോളം പേര് യാത്ര ചെയ്യുമെന്നാണ് വിലയിരുത്തല്. 57 രാജ്യങ്ങളിലെ 105 കേന്ദ്രങ്ങളിലേക്കായി 2,800-ലധികം സര്വിസുകളാണ് അബുദാബി അന്താരാഷ്ട്ര വിമാനത്താവളത്തില് നിന്നുള്ളത്.
