ലക്‌നൗ: രാജ്യത്തെമ്പാടുമുള്ള ജനങ്ങൾക്ക് ഈദുൽ-ഫിത്തർ ആശംസകൾ നേർന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഈദുൽ ഫിത്തർ ആഘോഷം സമൂഹത്തിനിടയിൽ സാഹോദര്യം പ്രോത്സാഹിപ്പിക്കുകയും സമാധാനത്തിന്റെയും ഐക്യത്തിന്റെയും മഹത്തായ സന്ദേശം പ്രചരിപ്പിക്കുകയും ചെയ്യുന്നുവെന്ന് യോഗി പറഞ്ഞു. കൊറോണ വ്യാപനം വർദ്ധിക്കുന്നതിന്റെ പശ്ചാത്തലത്തിൽ എല്ലാ വിശ്വാസികളും കൊറോണ മാനദണ്ഡങ്ങൾ പാലിച്ച് പെരുന്നാൾ ആഘോഷിക്കണമെന്നും അദ്ദേഹം ആവശ്യപ്പെട്ടു.
നേരത്തെ രാഷ്‌ട്രപതി ദ്രൗപദി മുർമു പൗരന്മാർക്ക് പെരുന്നാൾ ആശംസകൾ അറിയിച്ചിരുന്നു. സ്‌നേഹത്തിന്റെയും അനുകമ്പയുടെയും വാത്സ്യത്തിന്റെയും ഈദുൽ-ഫിത്തർ ആഘോഷിക്കുന്ന രാജ്യത്തിനകത്തും പുറത്തുമുള്ള എല്ലാ ഇന്ത്യൻ പൗരന്മാർക്കും പ്രത്യേകിച്ച് ഇസ്ലാം മതവിശ്വാസികളായ സഹോദരീ-സഹോദരന്മാർക്കും ഹൃദയംഗമമായ ആശംസകൾ അറിയിക്കുന്നതായി രാഷ്‌ട്രപതി ട്വിറ്ററിൽ കുറിച്ചു.
