ഹാഷ്ടാഗിന്റെ ഉപജ്ഞാതാവായ ക്രിസ് മെസിന എന്ന അമേരിക്കൻ ടെക്നോളജി വിദഗ്ദൻ ട്വിറ്റർ ഉപേക്ഷിച്ചു. ഇലോൺ മസ്ക് കാരണമാണ് താൻ ട്വിറ്റർ വിട്ടതെന്നാണ് ക്രിസ് പറഞ്ഞു. ഹാഷ് (#) എന്ന സിംബൽ ഒരു വാചകത്തിനോ വാചകത്തിനോ മുന്നിൽ പിൻ ചെയ്യുന്നതിനെയാണ് ഹാഷ്ടാഗ് എന്ന് സൂചിപ്പിക്കുന്നത്. ഒരു പോയിന്റുമായി ബന്ധപ്പെട്ട കൂടുതൽ വിവരങ്ങൾ കണ്ടെത്താനും അതിലേക്ക് കൂടുതൽ പേരെ ആകർഷിക്കുന്നതിനുമാണ് ഹാഷ്ടാഗുകൾ പൊതുവെ ഉപയോഗിക്കുന്നത്.
ഹാഷ്ടാഗിന്റെ സാധ്യതകൾ ഏറ്റവുമധികം പ്രയോജനപ്പെടുത്തുന്ന സമൂഹമാദ്ധ്യമം ട്വിറ്ററാണ്. ഇക്കാരണത്താൽ തന്നെ ഹാഷ്ടാഗ് ക്യാമ്പയിനുകൾക്ക് ട്വിറ്റർ വേദിയായതും ഏറെയാണ്. എന്നാൽ മസ്കിന്റെ പുതിയ തീരുമാനമാണ് ക്രിസിനെ ട്വിറ്ററിൽ നിന്ന് പുറത്ത് പോകുന്നതിന് പ്രേരിപ്പിച്ചത്. ലെഗസി ബ്ലൂ ബാഡ്ജുകൾ നീക്കം ചെയ്യുന്നതിനുള്ള മസ്കിന്റെ തീരുമാനം ചർച്ചയായിരുന്നു. ഇത് തന്നെയാണ് ക്രിസിന്റെ പിൻവാങ്ങലിന് കാരണമെന്നാണ് റിപ്പോർട്ടുകൾ.
തന്റെ ബ്ലൂടിക്ക് അസാധുവാക്കിയതല്ല ട്വിറ്റർ വിടാനുള്ള കാരണമെന്നും നിലവിലെ വേരിഫിക്കേഷൻ സംവിധാനം കൈകാര്യം ചെയ്യുന്ന രീതിയാണ് പിൻവാങ്ങലിലേക്ക് നയിച്ചതെന്ന് ക്രിസ് വ്യക്തമാക്കി. കഴിഞ്ഞ ആറ് മാസക്കാലം കൊണ്ട് ലഭിക്കുന്നതിനേക്കാൾ പരിഗണന ട്വിറ്ററിന് ലഭിക്കണമെന്നും അദ്ദേഹം പറഞ്ഞു. കൂടാതെ ക്രിസിന്റെ അക്കൗണ്ടും പ്രൈവറ്റാക്കിയിരുന്നു. ഹാഷ്ടാഗുകളെ താൻ വെറുക്കുന്നതായി മസ്ക് തന്നെ മുമ്പ് വ്യക്തമാക്കിയിരുന്നു. ഇക്കാരണത്താലാണ് ക്രിസ് ട്വിറ്റർ ഉപേക്ഷിച്ചത്.
