ചെന്നൈ : തമിഴിൽ മാത്രമേ സംസാരിക്കാവൂവെന്ന് ഭാര്യയെ ഉപദേശിക്കുന്ന ബോളിവുഡ് ഗായകനും സംഗീതസംവിധായകനുമായ എആർ റഹ്മാന്റെ വീഡിയോ സോഷ്യൽ മീഡിയയിൽ വൈറലാകുന്നു. ചെന്നൈയിൽ നടന്ന ഒരു അവാർഡ് ഷോയിൽ നിന്നുള്ളതാണ് വീഡിയോ. ഇതിൽ എആർ റഹ്മാൻ ഭാര്യ സൈറ ബാനുവിനോട് “ഹിന്ദിയിൽ സംസാരിക്കരുത്, തമിഴിൽ സംസാരിക്കൂ” എന്ന് പറയുന്നത് വ്യക്തമായി കേൾക്കാം . ഇത് കേട്ട് അവിടെയുണ്ടായിരുന്ന തെന്നിന്ത്യൻ സിനിമാ താരങ്ങൾ ഉറക്കെ ചിരിക്കുന്നതും ദൃശ്ശ്യങ്ങളിൽ കാണാം .
ചെന്നൈയിൽ നടന്ന വികടൻ അവാർഡ് ഷോയിൽ ഭാര്യ സൈറ ബാനുവിനൊപ്പമാണ് എആർ റഹ്മാൻ എത്തിയത്. ഇതിനിടയിലാണ് അവതാരക സൈറയെ സംസാരിക്കാൻ ക്ഷണിച്ചത്. സംസാരിക്കാൻ മൈക്ക് പിടിച്ചപ്പോൾ റഹ്മാൻ പറഞ്ഞു, ഹിന്ദിയിൽ സംസാരിക്കരുത്, തമിഴിൽ സംസാരിക്കൂ. എന്നാൽ തമിഴ് ഭാഷ നന്നായി അറിയാത്തതിനാൽ സൈറയ്‌ക്ക് തമിഴിൽ സംസാരിക്കാനായില്ല. ഇതിന് അവർ ക്ഷമാപണം നടത്തുകയും ചെയ്തു. “ക്ഷമിക്കണം, എനിക്ക് തമിഴ് നന്നായി സംസാരിക്കാൻ കഴിയില്ല. ഞാൻ വളരെ സന്തോഷവാനും ആവേശഭരിതനുമാണ്. ഭർത്താവിന്റെ ശബ്ദം എന്റെ പ്രിയപ്പെട്ട ശബ്ദമാണ്. എനിക്ക് ആ ശബ്ദം ഇഷ്ടമാണ്. അത്രയേ എനിക്ക് പറയാനുള്ളൂ.” -സൈറ പറഞ്ഞു.
2021-ൽ ഹിന്ദി സംസാരിച്ചതിന് അവതാരകയെ എ ആർ റഹ്മാൻ പരിഹസിച്ചതായും റിപ്പോർട്ടുകളുണ്ടായിരുന്നു .
