പോർച്ചുഗീസ് ഫുട്ബോൾ താരം ക്രിസ്റ്റ്യാനോ റൊണാൾഡോ നായകനായ സൗദി ക്ലബ് അൽ നസറിനെ പിന്തള്ളി എംഎസ് ധോണിയുടെ ചെന്നൈ സൂപ്പർകിംഗ്സ്. ഏഷ്യയിയിലെ ഏറ്റവും മികച്ച ജനപ്രിയ സ്പോർട്സ് ടീമായി മാറിയിരിക്കുകയാണ് സിഎസ്കെ. ഡിപോർഡ്സ് ആൻഡ് ഫിനാൻസസിന്റെ റിപ്പോർട്ടിലാണ് ജനപ്രിയ സ്പോർഡ്സ് ടീമായി ജനങ്ങൾ സിഎസ്കെയെ തിരഞ്ഞെടുത്തത്.
2023 മാർച്ചിലെ ട്വിറ്റർ ഇന്ററാക്ഷന്റെ അടിസ്ഥാനത്തിലാണ് ഡിപോർട്ടെസ് ആൻഡ് ഫിനാൻസാസ് ടീമുകളെ റാങ്ക് ചെയ്യുന്നത്. ഇതിൽ 512 ദശലക്ഷം ഇന്ററാക്ഷൻസുമായാണ് ചെന്നൈ സൂപ്പർ കിംഗ്സ് ഒന്നാം സ്ഥാനത്തെത്തിയത്. അൽ-നസർ എഫ്സി 500 മില്യൺ ഇന്ററാക്ഷൻസുമായി തൊട്ടുപിന്നിലുണ്ട്.
സിഎസ്കെ കൂടാതെ മറ്റു രണ്ട് ഐപിഎൽ ഫ്രാഞ്ചൈസികളും ടോപ് 5 ലിസ്റ്റിൽ എത്തിയിട്ടുണ്ട്. വിരാട് കോഹ്ലിയുടെ റോയൽ ചലഞ്ചേഴ്സ് ബാംഗ്ലൂരും രോഹിത് ശർമ്മയുടെ മുംബൈ ഇന്ത്യൻസും ആണ് പട്ടികയിലെ മറ്റ് ഐപിഎൽ ഫ്രാഞ്ചൈസികൾ. 345 ദശലക്ഷം ഇന്ററാക്ഷുമായി റോയൽ ചലഞ്ചേഴ്സ് ബാംഗ്ലൂർ ആണ് മൂന്നാം സ്ഥാനത്ത്. 274 ദശലക്ഷം ഇന്ററാക്ഷനുള്ള മുംബൈ ഇന്ത്യൻസ് ആണ് പട്ടികയിൽ നാലാം സ്ഥാനത്ത്.
