തന്റെ ചിത്രത്തിന്റെ ഒന്നാം വാർഷിക ദിനത്തിൽ ഓർമ്മകൾ പങ്കുവെച്ച് നടി കീർത്തി സുരേഷ്. അരുൺ മതേശ്വരൻ സംവിധാനം ചെയ്ത് പ്രതികാര കഥ പറഞ്ഞ ചിത്രമായിരുന്നു സാനി കായിദം. ഓടിടി വഴിയാണ് സിനിമ പ്രക്ഷേകരിലേക്കെത്തിയത്. ചിത്രത്തിന്റെ ഒന്നാം വാർഷികദിനത്തിൽ വ്യത്യസ്തമായ പോസ്റ്റ് പങ്കുവെച്ചിരിക്കുകയാണ് കീർത്തി. താരത്തിന്റെ പോസ്റ്റാണ് വൈറലാകുന്നത്.
‘ഞാൻ, എന്റെ വൃത്തികേടായ നഖങ്ങൾ, ചെരുപ്പുകൾ, മാറ്റഡോർ വാൻ, സുടെലൈ, സിങ്കയ്യ. പിന്നെ കുറച്ച് പ്രതികാരം, കുറച്ച് ഇമോഷൻ ഇതെല്ലാം ചേർന്നതാണ് അരുൺ മതേശ്വരന്റെ ചിത്രം. ഈ സ്‌പെഷ്യൽ ദിനം പൊന്നിയെയും ടീമിനെയും ഓർക്കുന്നു’. ചിത്രത്തിലെ ഷൂട്ടിംഗ് ദൃശ്യങ്ങളും, മേയ്‌ക്കപ്പ് രംഗങ്ങളും അടക്കമാണ് കീർത്തി പോസ്റ്റ് പങ്കുവെച്ചത്. സംവിധായകൻ സെൽവരാഘവനും ചിത്രത്തിൽ ഒരു പ്രധാന കഥാപാത്രമായി എത്തിയിരുന്നു. സെൽവരാഘവന്റെ സഹോദരിയുടെ കഥാപാത്രത്തെയാണ് കീർത്തി സുരേഷ് അവതരിപ്പിച്ചത്.
ചിത്രത്തിൽ സഹോദരനിലൂടെ പ്രതികാരം ചെയ്യുകയാണ് കീർത്തി സുരേഷിന്റെ കഥാപാത്രം പൊന്നി. 1980-കളിലെ ആക്ഷൻ-ഡ്രാമ ആയിട്ടാണ് ചിത്രം എടുത്തിരിക്കുന്നത്. വ്യത്യസ്ത മേക്കോവറിലാണ് ചിത്രത്തിൽ കീർത്തി സുരേഷും സെൽവരാഘവനും എത്തിയത്.
