ഷാർജ: അറബ് ലോകത്തിന്റെ സാംസ്കാരിക നഗരിയിയായ ഷാർജയിലാണ് ഇന്ത്യയടക്കം രാജ്യങ്ങളിലെ പ്രസാധകർ അണിനിരക്കുന്ന വായനോത്സവത്തിന് ആരംഭം കുറിച്ചു. യുഎഇ സുപ്രീം കൗൺസിൽ അംഗവും ഷാർജ ഭരണാധികാരിയുമായ ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി ഉദ്ഘാടനം നിർവഹിച്ചു.
‘പരിശീലിപ്പിക്കുക നിങ്ങളുടെ ബുദ്ധിശക്തിയെ’ എന്ന പ്രമേയത്തിലാണ് കുട്ടികളുടെ വായനോത്സവം പുരോഗമിക്കുന്നത്. ഇഷ്ട പുസ്തകങ്ങൾ തേടി കൂടുതൽ കൗതുകത്തോടെ കുട്ടികൾ ആദ്യ ദിവസം മുതൽ തന്നെ എത്തിത്തുടങ്ങി.ഷാർജ ബുക്ക് അതോറിറ്റിയാണ് പരിപാടിയുടെ സംഘാടകർ. 141 പ്രസാധകർ ഉൽസവത്തിന്റെ ഭാഗമാണ്.66 രാജ്യങ്ങളിൽനിന്നുള്ള 457 എഴുത്തുകാർ, കലാകാരൻമാർ, പ്രസാധകർ, ചിത്രകാരൻമാർ, വിദഗ്ധർ എന്നിവർ നേതൃത്വം നൽകുന്ന മേളയിലൂടെ കുഞ്ഞു മനസ്സുകളുടെ ക്രിയാത്മകതയെ പരിപോഷിപ്പിച്ച് അവരെ പുസ്തകലോകത്തേക്ക് കൊണ്ടുവരുകയെന്നതാണ് ലക്ഷ്യം.
വായനക്ക് പുറമെയുള്ള പരിപാടികളിലെ വൈവിധ്യംകൊണ്ട് കുട്ടികളുടെ മനം നിറക്കുകയാണ് മേള. പാചകകല പരിചയപ്പെടുത്തുന്ന ‘കുക്കറി കോർണർ’ ഈ വർഷവും മേളയിലൊരുക്കിയിട്ടുണ്ട്.വി ജ്ഞാനത്തിന്റെയും സംസ്കാരത്തിന്റെയും മണ്ണിൽ കുട്ടികളുടെ സർഗാത്മകത ഉണർത്താനുള്ള നിരവധി പരിപാടികളുമായാണ് ഇവിടെ ഒരുക്കിയിട്ടുള്ളത്. കുട്ടികളെ പാചകം പരിചയപ്പെടുത്തുന്ന ജനപ്രിയ കുക്കറി കോർണർ, സംഗീതത്തെ അറിയാൻ മ്യൂസിക് കോർണർ,പാവ നിർമ്മാണം പഠിപ്പിക്കൽ തുടങ്ങി പുതുതലമുറയെ സർഗാത്മകതയുടെ ലോകത്തേക്ക് തുറന്നു വിടാനും അവരുടെ കഴിവുകൾ വികസിപ്പിക്കാനും അറിവ് മെച്ചപ്പെടുത്താനുമായി നിരവധി പരിപാടികൾ മേളയിൽ ഒരുക്കിയിട്ടുണ്ട്.പാചകകല പരിചയപ്പെടുത്തുന്ന ‘കുക്കറി കോർണർ’ കുട്ടികളെ ഏറെ ആകർഷിക്കുന്നുണ്ട് .
നിരവധി കുരുന്നുകളാണ് മാതാപിതാക്കളോടൊപ്പം ഇവിടേക്ക് എത്തുന്നത്.12 ദിവസം നീളുന്ന മേളയിലേക്ക് തിങ്കൾ മുതൽ വ്യാഴം വരെ രാവിലെ ഒമ്പതു മുതൽ രാത്രി എട്ട് വരെയും വെള്ളിയാഴ്ച വൈകീട്ട് നാലു മുതൽ രാത്രി ഒമ്പതു വരെയും ശനി, ഞായർ ദിവസങ്ങളിൽ രാവിലെ ഒമ്പതു മുതൽ രാത്രി ഒമ്പതു വരെയുമാണ് പ്രവേശനം. വിവിധ വിഷയങ്ങളിൽ ഭാഷകളിൽ വിദ്യാർഥികളുടെയും അവർക്കുവേണ്ടിയുള്ള രചനകളും പുസ്തകങ്ങളും പരിചയപ്പെടുത്തുകയെന്ന ലക്ഷ്യത്തോടെ സംഘടിപ്പിക്കുന്ന മേളയിൽ പ്രവേശനം സൗജന്യമാണ്.ഈ 14 വരെ യു.എ.ഇ. യിലെ വിവിധ സ്കൂളുകളിൽനിന്ന് ആയിരക്കണക്കിന് കുട്ടികളും അധ്യാപകരും രക്ഷിതാക്കളും മേള സന്ദർശിക്കും.
Comments