ആശുപത്രി സംരക്ഷണ നിയമത്തിന് ഡോ വന്ദന ദാസിന്റെ പേരിടണമെന്ന് ഐഎംഎ സംസ്ഥാന പ്രസിഡന്റ് ഡോ.സുൾഫി നൂഹ്. ആശുപത്രി സംരക്ഷണവുമായി ബന്ധപ്പെട്ട് ഡോക്ടേഴ്സ് നിരന്തരം ആവശ്യപ്പെട്ട് കൊണ്ടിരിക്കുന്ന പുതിയ നിയമത്തിന് വന്ദനയുടെ പേരിടണം. കേരളത്തിൽ നിയമങ്ങൾക്ക് വ്യക്തികളുടെ പേരിടുന്ന
ചരിത്രമില്ല എന്ന് പ്രതിരോധം അവിടെ നിൽക്കട്ടെയെന്നും അദ്ദേഹം പറഞ്ഞു.
മറ്റു ചില സംസ്ഥാനങ്ങളിൽ ചില നിയമങ്ങൾക്ക് വ്യക്തികളുടെ നാമധേയം ഉൾപ്പെടുത്തിയിട്ടുണ്ടെന്നും ഡോ.സുൾഫി പറഞ്ഞു. വന്ദനയുടെ പേരിൽ ആ നിയമം എന്നും ഓർത്തിരിക്കണമെന്നും അദ്ദേഹം സൂചിപ്പിച്ചു. ഫേസ്ബുക്കിലൂടെയാണ് അദ്ദേഹം ഇക്കാര്യം സൂചിപ്പിച്ചത്.
ഡോ.സുൾഫി നൂഹിന്റെ ഫേസബുക്ക് പോസ്റ്റ്
യുവ ഡോക്ടർ കൊല്ലപ്പെട്ടതിന് പിന്നാലെ സുൽഫി നൂഹുവിന്റെ ഫേസ്ബുക്ക് പോസ്റ്റ് ചർച്ചയായിരുന്നു. ആശുപത്രിയിലെ ആരോഗ്യപ്രവർത്തകർ ഉടൻ കൊല്ലപ്പെടുമെന്നായിരുന്നു അദ്ദേഹം പറഞ്ഞിരുന്നത്. ആശുപത്രിയിൽ വെച്ച് ആരോഗ്യപ്രവർത്തകർക്ക് നേരെയുള്ള അക്രമം വർദ്ധിക്കുന്ന സാഹചര്യത്തിലായിരുന്നു മുന്നറിയിപ്പ്.
