നീണ്ട നാളത്തെ ഇടവേളയ്‌ക്ക് ശേഷം മലയാള സിനിമയിലേക്ക് തിരിച്ചെത്തിയിരിയ്‌ക്കുകയാണ് നടി ദേവയാനി. അനുരാഗം എന്ന സിനിമയുടെ വിശേഷങ്ങളുമായി ദേവയാനി വര്‍ഷങ്ങള്‍ക്ക് ശേഷം പ്രമോഷന്‍ പരിപാടികളില്‍ എല്ലാം സജീവമായി. അങ്ങിനെ ഒരു അഭിമുഖത്തില്‍ ദേവയാനി തന്റെ മകളെ മരണത്തില്‍ നിന്നും തിരിച്ചുകിട്ടിയ അനുഭവം പറഞ്ഞതാണ് വൈറലാവുന്നത്.
വീട്ടില്‍ എല്ലാ ദിവസവും ആഞ്ജനേയ സ്വാമിയെ പൂജിക്കാറുണ്ട് എന്ന് ദേവയാനി പറയുന്നു. കലികാംപൈ ആണ് തന്റെ ഇഷ്ടദൈവം എന്നും നടി പറഞ്ഞു. വീട്ടില്‍ നിന്ന് എപ്പോള്‍ പുറത്തിറങ്ങുമ്പോഴും ആഞ്ജനയേ സ്വാമിയെ പൂജിയ്‌ക്കും. ഭക്ഷണം കഴിക്കുന്നതിന് മുന്‍പ് എല്ലാം പ്രാര്‍ത്ഥിച്ചിട്ടേ കഴിക്കാറുള്ളൂ എന്നാണ് ദേവയാനി പറഞ്ഞത്.
എന്റെ രണ്ടാമത്തെ സിനിമ റിലീസ് ചെയ്യുന്ന സമയത്ത് എനിക്ക് ഭയങ്കര ടെന്‍ഷന്‍ ആയിരുന്നു. ഞാന്‍ മുടങ്ങാതെ ദൈവത്തെ പ്രാര്‍ത്ഥിച്ചു. എനിക്ക് ആവശ്യമായ പണം ആ ചിത്രത്തിലൂടെ ലഭിച്ചു. ദൈവം എന്നെ അനുഗ്രഹിച്ചതുകൊണ്ടാണ് ആ സിനിമ വിജയിച്ചത് എന്ന് ഞാന്‍ ഇപ്പോഴും വിശ്വസിക്കുന്നു.- ദേവയാനി പറയുന്നു.
മറ്റൊരു പ്രധാനപ്പെട്ട കാര്യവും ഞങ്ങളുടെ ജീവിതത്തില്‍ സംഭവിച്ചിട്ടുണ്ട്. രണ്ടാമത്തെ മകള്‍ക്ക് ഒരിക്കല്‍ ഡെങ്കിപ്പനി ബാധിച്ചു. രക്തത്തില്‍ പ്ലേറ്റ്‌ലെറ്റുകളുടെ അളവ് ക്രമാധീതമായി കുറഞ്ഞുകൊണ്ടിരുന്നു. ദൈവത്തോട് പ്രാര്‍ത്ഥിച്ചോളൂ എന്ന് പറഞ്ഞ് ഡോക്ടര്‍ കൈയ്യൊഴിഞ്ഞു. അന്ന് എന്റെ മകളെ രക്ഷിച്ചത് ദൈവം തന്നെയാണ്. ശക്തമായി പ്രാര്‍ത്ഥിച്ചപ്പോള്‍ ഒറ്റ ദിവസം കൊണ്ടാണ് അവളുടെ ആരോഗ്യം മെച്ചപ്പെട്ടത് – ദേവയാനി പറഞ്ഞു
