നമ്മുടെ ചർമ്മവും നാം കഴിക്കുന്ന ഭക്ഷണവും തമ്മിൽ ബന്ധമുണ്ടോ? ഉണ്ടെന്ന് തന്നെയാണ് ഉത്തരം. കഴിക്കുന്ന ഭക്ഷണത്തിന്റെ വിധവും അളവുമനുസരിച്ചായിരിക്കും നമ്മുടെ ചർമ്മത്തിന്റെ നിറം, മിനുസം എന്നിവയെന്നാണ് ചർമ്മരോഗ വിദഗ്ധർ ചൂണ്ടിക്കാട്ടുന്നത്. നിരവധിയാളുകളെ അലട്ടുന്ന പ്രധാന ചർമ്മ രോഗമാണ് കുരുക്കൾ. പ്രത്യേകിച്ചും മുഖക്കുരു. ചില ഭക്ഷണങ്ങൾ പതിവായി കഴിച്ചാൽ മുഖക്കുരു വർധിക്കുമെന്നതാണ് കാര്യം.
ചില ഭക്ഷണങ്ങളുടെ അമിതോപയോഗം നമ്മുടെ ചർമ്മത്തിൽ കാര്യമായ പ്രശ്നങ്ങൾ സൃഷ്ടിക്കും. അവ ഏതെല്ലാമാണെന്ന് നോക്കാം.
ഷുഗർ: പഞ്ചസാര അധികം കഴിക്കുന്നത് ശരീരത്തിൽ ഇൻഫ്ളമേഷൻ (വീക്കം) ഉണ്ടാക്കും. ഇത് മുഖക്കുരുവിനും റോസേഷ്യയ്ക്കും കാരണമാകും.
പാലുത്പന്നങ്ങൾ: അമിതമായി ഡയറി പ്രൊഡക്ടുകൾ കഴിക്കുന്നത് മൂലം മുഖക്കുരുവിന് കാരണമാകുന്ന ഹോർമോണുകൾ വർധിക്കുന്നതാണ്.
പ്രൊസസ്ഡ് ആൻഡ് ഫ്രൈഡ് ഫുഡ്സ്: ഇത്തരം ആഹാരങ്ങൾ കഴിക്കുമ്പോൾ ശരീരത്തിൽ അനാരോഗ്യകരമായ കൊഴുപ്പുകൾ വർധിക്കുന്നു. ഇത് ശരീരത്തിൽ വീക്കം ഉണ്ടാവുകയും ചർമ്മപ്രശ്നങ്ങൾക്ക് കാരണമാകുകയും ചെയ്യും.
മദ്യം: ശരീരത്തിൽ നിർജ്ജലീകരണം ഉണ്ടാകാൻ കാരണമാകുന്നു. ഇത് ചർമ്മത്തെ മങ്ങിയതും ക്ഷീണമുള്ളതുമാക്കുന്നതിലേക്ക് നയിക്കും.
കഫീൻ: മിതമായ അളവിൽ കഫീൻ ഉപഭോഗം വെല്ലുവിളിയല്ലെങ്കിലും അമിതമായ ഉപഭോഗം അനാരോഗ്യകരമാണ്. കഫീൻ ശരീരത്തിലേക്ക് അധികമെത്തിയാൽ നിർജ്ജലീകരണം ഉണ്ടാകാൻ കാരണമാവുകയും ചർമ്മത്തിൽ പല ബുദ്ധിമുട്ടികളും സൃഷ്ടിക്കുകയും ചെയ്യും.
ഗ്ലൂട്ടൺ: ചില ആളുകളുടെ ശരീരം ഗ്ലൂട്ടണിനോട് ഇണങ്ങുന്നതായിരിക്കില്ല. അത്തരക്കാരുടെ ചർമ്മങ്ങളിൽ ഇത് മുഖക്കുരു, ചുണങ്ങ് എന്നിവയുണ്ടാകാൻ കാരണമാകുന്നു.
എരിവേറിയ ആഹാരം: പരിധിയിൽ കൂടുതൽ എരിവ് ചേർത്തുള്ള ഭക്ഷണം ശരീരത്തിന് ഗുണകരമല്ല എന്നതുപോലെ തന്നെ ചർമ്മത്തിനും കേടുപാടുകൾ സൃഷ്ടിക്കും.
ഉപ്പ്: ചർമ്മം കാരണമില്ലാതെ വീർക്കാൻ ഉപ്പ് കാരണമാകും. ആഹാര സാധനങ്ങളിൽ ഉപ്പ് പരാമവധി ഒഴിവാക്കുക.
കൃത്രിമ മധുരം ചേർത്ത പലഹാരങ്ങൾ: ഇവയും ചർമ്മത്തെ അസ്വസ്ഥമാക്കുന്നതാണ്.
ഉയർന്ന ഗ്ലൈസമിക് – ഇൻഡക്സ് ഭക്ഷണങ്ങൾ: വൈറ്റ് ബ്രഡ്, സമാനമായ മറ്റ് ലഘു ഭക്ഷണങ്ങൾ എന്നിവ ഉയർന്ന ഗ്ലൈസമിക് ഉള്ളവയാണ്. ഇവ രക്തത്തിലെ പഞ്ചസാരയുടെ അളവ് വർധിപ്പിക്കുകയും ശരീരത്തിന്റെ വീക്കത്തിന് കാരണമാകുകയും ചെയ്യും. ചർമ്മത്തിന്റെ അവസ്ഥ ഇത് വഷളാക്കുന്നു.
Comments