രാജ്യത്തിന് അഭിമാനമായി മികച്ച ഡോക്യുമെന്ററി-ഹ്രസ്വചിത്രത്തിനുള്ള ഓസ്കർ പുരസ്കാരം നേടിയ ദി എലിഫന്റ് വിസ്പറേഴ്സിലെ സംവിധായികയേയും താരങ്ങളെയും ആദരിച്ച് ചെന്നൈ സൂപ്പർ കിങ്സ്. ചിത്രത്തിന്റെ സംവിധായിക കാർത്തികി ഗോൺസാൽവസിനും കഥാപാത്രങ്ങളായ ബൊമ്മനും ബെള്ളിക്കും അവരുടെ പേര് പതിപ്പിച്ച തന്റെ 7-ാം നമ്പർ ജഴ്സി ടീം ക്യാപ്റ്റൻ എംഎസ് ധോണി സമ്മാനിച്ചു. ‘സ്പെഷ്യൽ സന്ദർഭത്തിൽ എത്തിച്ചേർന്ന സ്പെഷ്യൽ വ്യക്തികൾ’ എന്ന കുറിപ്പോടെയാണ് ഓസ്കർ ജേതാക്കളുടെ സന്ദർശനത്തിന്റെ വീഡിയോയും ചിത്രങ്ങളും ചെന്നൈ സൂപ്പർ കിംങ്സ് ടീം ഔദ്യോഗിക ട്വിറ്റർ അക്കൗണ്ടിൽ പങ്കുവച്ചത്.
Tudumm 🎬 Special occasion with very special people 💛🐘#WhistlePodu #Yellove 🦁 pic.twitter.com/AippVaY6IO
— Chennai Super Kings (@ChennaiIPL) May 10, 2023
Roars of appreciation to the team that won our hearts! 👏
So good to host Bomman, Bellie and filmmaker Kartiki Gonsalves! 🐘#WhistlePodu #Yellove 🦁💛
— Chennai Super Kings (@ChennaiIPL) May 10, 2023
കാർത്തികി ഗോൺസാൽവസിനോടും ബൊമ്മനോടും ബെള്ളിയോടും ധോണി സൗഹൃദ സംഭാഷണം നടത്തുകയും ഫോട്ടോയ്ക്ക് പോസ് ചെയ്യുകയും ചെയ്തു. തുടർന്ന് തന്റെ മകൾ സിവയേയും ധോണി പരിചയപ്പെടുത്തി. ഇവരുടെ കൈവശമുണ്ടായിരുന്ന ഓസ്കർ പുരസ്കാരവും ധോണി കൈകളിലെടുത്തു പിടിച്ചു. ആനകളുടെ സംരക്ഷണത്തിനായി മുതുമല സങ്കേതത്തിന് ചെന്നൈ സൂപ്പർ കിംങ്സ് ടീം നൽകുന്ന സംഭാവനയും ചടങ്ങിൽ ധോണി കൈമാറി.
