ലണ്ടൻ: പാപ്പരാസികൾ ഫോട്ടോ എടുക്കുന്നതിനായി തിരക്കുകൂട്ടിയതിനിടയിൽ ഹാരി രാജകുമാരനും ഭാര്യ മേഗനും ഭാര്യമാതാവും സഞ്ചരിച്ച കാർ അപകടത്തിൽ നിന്നും രക്ഷപ്പെട്ടത് തലനാരിഴയ്ക്ക്. ന്യുയോർക്കിലെ ഒരു അവാർഡ് ദാന ചടങ്ങിൽ പങ്കെടുത്ത് മടങ്ങുമ്പോഴാണ് സംഭവമുണ്ടായത്.
ഹാരിയും കുടുംബവും സഞ്ചരിച്ച കാറിന് പിന്നാലെ ഫോട്ടോഗ്രാഫർമാർ കൂടിയതോടെ ഡ്രൈവർ വേഗതകൂട്ടുകയും കാാറുകൾ തമ്മിൽ ഒരു മത്സരയോട്ടം നടത്തുകയായിരുന്നു. മറ്റ് വാഹനയാത്രക്കാരെയും കാൽനടയാത്രക്കാരേയും ഇത് ബുദ്ധിമുട്ടിലാക്കി. രണ്ട് മണിക്കൂറോളം തടസ്സം നേരിട്ടതായും ഹാരി രാജകുമാരന്റെ വക്താവ് പറഞ്ഞു.
1997-ൽ ഇത്തരത്തിൽ പാപ്പരാസികളുടെ കണ്ണുവെട്ടിച്ച് പോകുന്നതിനിടെയായിരുന്നു ഹാരിയുടെ മാതാവ് ഡയാന രാജകുമാരി അപടകത്തിൽപെടുന്നത്. തുടർന്ന് ഇവരെ പിന്തുടർന്നിരുന്ന ഫോട്ടോഗ്രാഫർമാരെ പോലീസ് കസ്റ്റഡിയിൽ എടുത്തിരുന്നു. സമാനരീതിയിലാണ് ഇപ്പോൾ ഹാരിയേയും പാപ്പരാസികൾ ഹാരിയെയും കുടുംബത്തെയും പിന്തുടർന്നതെന്നാണ് റിപ്പോർട്ട്.
