സിഡ്നി: സിഡ്നിയിൽ വെച്ച് നടത്തിയ കൂടിക്കാഴ്ചയിൽ ഓസ്ട്രേലിയൻ പ്രധാനമന്ത്രിയുമായി ഉഭയകക്ഷി ചർച്ച നടത്തി പ്രധാനമന്ത്രി നരേന്ദ്രമോദി. ഇന്ത്യൻ വിദേശകാര്യ മന്ത്രി എസ് ജയശങ്കർ, ദേശീയ സുരക്ഷാ ഉപദേഷ്ടാവ് അജിത് ഡോവൽ എന്നിവരും ചർച്ചയിൽ പങ്കാളികളായി.
ചൊവ്വാഴ്ച സിഡ്നിയിൽ വെച്ച് ഓസ്ട്രേലിയയിലെ പ്രമുഖ കമ്പനികളുടെ മേധാവികളുമായും പ്രധാനമന്ത്രി നരേന്ദ്ര മോദി കൂടിക്കാഴ്ച നടത്തി. സാങ്കേതികവിദ്യയിലും ഊർജത്തിലുമുൾപ്പെടെ നിരവധി മേഖലകളിൽ സഹകരണം വർദ്ധിപ്പിക്കണമെന്നും അദ്ദേഹം യോഗത്തിൽ പറഞ്ഞു.
ഓസ്ട്രേലിയയിലെത്തിയ പ്രധാനമന്ത്രിയ്ക്ക് സെറമോണിയ ഗാർഡ് ഓഫ് ഓണർ നൽകിയാണ് ആദരം അർപ്പിച്ചത്. സിഡ്നിയിലെ അഡ്മിറൽറ്റി ഹൗസിൽ വെച്ചായിരുന്നു ആദരിച്ചത്. കൂടാതെ ഇവിടെ വെച്ച് സന്ദർശകരുടെ പുസ്തകത്തിലും അദ്ദേഹം ഒപ്പുവെച്ചു. സിഡ്നി സന്ദർശന വേളയിൽ ഇന്ത്യൻ സമൂഹം ഒരുക്കിയ സ്വീകരണ പരിപാടിയിൽ അദ്ദേഹം ഇന്ത്യൻ ജനതയെ അഭിസംബോധന ചെയ്തുകൊണ്ട് സംസാരിച്ചു. ഇന്ത്യയും ഓസ്ട്രേലിയയും തമ്മിലുള്ള ബന്ധത്തിന്റെ അടിത്തറയെന്നത് പരസ്പര വിശ്വാസവും പരസ്പര ബഹുമാനവുമാണന്ന് അദ്ദേഹം പറഞ്ഞു.
Comments