അരിക്കൊമ്പൻ എന്ന പേരിൽ സാജിദ് യാഹിയ സംവിധാനം ചെയ്യുന്ന സിനിമയുടെ പുതിയ പോസ്റ്റർ പുറത്തിറക്കി. റിട്ടേൺ ഓഫ് ദ കിംഗ് എന്ന ക്യാപ്ഷനോടെയാണ് പുതിയ പോസ്റ്റർ ഇറക്കിയത്. അരിക്കൊമ്പനെ ചിന്നക്കനാലിൽ നിന്ന് പെരിയാർ കടുവാ സങ്കേതത്തിലേക്ക് മാറ്റിയതിന് പിന്നാലെയായിരുന്നു അരിക്കൊമ്പനെ കുറിച്ചുള്ള സിനിമയുടെ പ്രഖ്യാപനം സാജിദ് യാഹിയ നടത്തിയത്.
മലകടത്തീട്ടും മരുന്നുവെടി വച്ചിട്ടും മനുഷ്യർ മറന്നിട്ടും അവൻ തിരിച്ചു വന്നു, അവന്റെ അമ്മയുടെ ഓർമ്മയിലേക്ക് എന്ന് കുറിച്ചുകൊണ്ടാണ് അരിക്കൊമ്പന്റെ പോസ്റ്റർ സംവിധായകൻ പങ്കുവച്ചിരിക്കുന്നത്.
ബാദുഷ സിനിമാസിന്റെയും പെൻ ആൻഡ് പേപ്പർ ക്രിയേഷൻസിന്റെയും ബാനറിലാണ് ചിത്രം നിർമ്മിക്കുന്നത്. ശ്രീലങ്കയിലെ സിഗിരിയ ആണ് ചിത്രത്തിന്റെ പ്രധാന ലൊക്കേഷൻ. ഒക്ടോബറിൽ ചിത്രീകരണം ആരംഭിക്കും. ചിത്രത്തിന്റെ പ്രീ-പ്രൊഡക്ഷൻ ജോലികൾ ആരംഭിച്ചതായി സംവിധായകൻ സാജിദ് യഹിയ മുൻപ് അറിയിച്ചിരുന്നു.
