മലയാളികൾക്ക് പ്രിയപ്പെട്ട അന്യഭാഷാ നടിമാരിൽ ഒരാളാണ് മേഘ്നാ രാജ്. കന്നട സൂപ്പർതാരം ചീരു സർജയുയെ വിവാഹം കഴിച്ച ശേഷം സിനിമാ ജീവിത്തിൽ നിന്നും വിട്ടുനിൽക്കുകയായിരുന്നു താരം. 2020 -ൽ ചീരു സർജയുടെ മരണ ശേഷം വീണ്ടും താരം അഭിനയരംഗത്ത് സജീവമായിരുന്നു. മകൻ റയാൻ രാജ് സർജ പിറന്നത് മുതൽ അവന്റെ ഓരോ വിശേഷങ്ങളും താരം സമൂഹമാദ്ധ്യമങ്ങൾ വഴി ആരാധകരെ അറിയിക്കുകയും ചെയ്യും.
മകൻ ജനിക്കുന്നതിന് മാസങ്ങൾക്ക് മുൻപായിരുന്നു ചിരഞ്ജീവി സർജ മരണത്തിന് കീഴടങ്ങിയത്. ചിരുവിന്റെ സ്മരണാർത്ഥം ‘ജൂനിയർ സി’ എന്നാണ് പേരിടുംവരെ മകനെ എല്ലാവരും വിളിച്ചിരുന്നത്. ഇപ്പോഴിതാ മകൻ റയാൻ സ്കൂളിൽ പോയിത്തുടങ്ങി എന്ന വിശേഷം പങ്കുവെക്കുകയാണ് മെഘ്ന. രണ്ടര വയസ് പ്രായത്തിൽത്തന്നെ റയാന്റെ ആദ്യ സ്കൂൾ ദിനത്തിന്റെ ചിത്രങ്ങളാണ് മേഘ്ന പങ്കുവെക്കുന്നത്. വിദ്യാഭ്യാസത്തിലേക്കും, ജീവിത പാഠങ്ങളിലേക്കുമുള്ള റയാന്റെ ചുവടുകളിൽ സന്തുഷ്ടയാണ് അമ്മ മേഘ്ന.
മകന്റെ ഓരോ വിശേങ്ങൾ പങ്കുവെക്കുമ്പോഴും ചീരു സർജയുടെ ചിത്രത്തിന് അടുത്ത് നിന്നാണ് മേഘ്ന ചിത്രങ്ങൾ പകർത്തുന്നത്. 2020 ഒക്ടോബർ മാസത്തിലാണ് മകൻ പിറന്നത്. ചിരുവിന്റെ ഓർമ്മയിൽ ‘ജൂനിയർ സി’ എന്നാണ് പേരിടും വരെ മകനെ എല്ലാവരും വിളിച്ചിരുന്നത്. അടുത്തിടെ മേഘ്നക്കൊപ്പം ജിമ്മിൽ വർക്കൗട്ട് ചെയ്യുന്ന ചിത്രങ്ങളും നടി പങ്കുവെച്ചിരുന്നു.
