ജൂൺ മൂന്നിനാണ് ഗോവൻ മണ്ണിലേക്ക് വന്ദേ ഭാരത് എക്സ്പ്രസ് എത്തുക. ഇന്ത്യയുടെ 19-ാമത് വന്ദേ ഭാരതിന്റെ ഉദ്ഘാടനമാണ് നാളെ നടക്കുക. പുതിയ വന്ദേ ഭാരത് എത്തുന്നതോടെ മുംബൈയ്ക്കും ഗോവയ്ക്കും ഇടയിലുള്ള യാത്ര ഏകദേശം ഏഴര മണിക്കൂറായി കുറയും. യാത്രക്കാർക്ക് ലോകോത്തര അനുഭവത്തിനൊപ്പം വിനോദ സഞ്ചാരത്തിനും ഉത്തേജനം നൽകാൻ ട്രെയിന് കഴിയും.
മുംബൈ-ഗോവ വന്ദേ ഭാരത് എക്സ്പ്രസ് കൊങ്കൺ തുരങ്കത്തിലൂടെ പോകുന്നതിന്റെ അതി മനോഹരമായ വീഡിയോ പങ്കുവെച്ചുകൊണ്ടാണ് കേന്ദ്ര റെയിൽവേ മന്ത്രി അശ്വിനി വൈഷ്ണവ് എക്സ്പ്രസിന്റെ ഫ്ളാഗ് ഓഫ് സംബന്ധിച്ച വിവരം പുറത്തുവിട്ടത്. ‘അടുത്ത വന്ദേ ഭാരത് കൊങ്കൺ തുരങ്കങ്ങളിലൂടെ..’ എന്ന തലക്കെട്ടോടെയാണ് മന്ത്രി വീഡിയോ പങ്കുവെച്ചത്. വന്ദേ ഭാരത് എക്സ്പ്രസ് നദികളിലൂടെയും താഴ്വരകളിലൂടെയും പർവതങ്ങളിലൂടെയും കടന്നുപോകുന്നു. ഇന്ത്യയിലെ ഏറ്റവും മനോഹരമായ യാത്രകളിലൊന്നായി മാറുന്നുമെന്നതിൽ സംശയമില്ല.
https://twitter.com/AshwiniVaishnaw/status/1664281804801703937?s=20
മുംബൈയിലെ ഛത്രപതി ശിവജി മഹാരാജ് ടെർമിനലിനും ഗോവയിലെ മഡഗാവ് സ്റ്റേഷനും ഇടയിലാകും ട്രെയിൻ ഓടുക. ഏകദേശം ഏഴര മണിക്കൂറിനുള്ളിൽ യാത്ര പൂർത്തിയാക്കും.
