ദുബായ്: മലയാള ചലച്ചിത്ര നടി അന്ന ബെന്നിന് യുഎഇ ഗോൾഡൻ വിസ ലഭിച്ചു. ഇസിഎച്ച് ഡിജിറ്റൽ സിഇഓ ഇഖ്ബാൽ മാർക്കോണിയിൽ നിന്നുമാണ് അന്ന ബെൻ യുഎഇ ഗോൾഡൻ വിസ ഏറ്റുവാങ്ങിയത്. ദുബായിലെ മുൻനിര സർക്കാർ സേവനദാതാക്കളാണ് ഇസിഎച്ച് ഡിജിറ്റൽ.
കുമ്പളങ്ങി നൈറ്റ്സ് എന്ന സിനിമയിലൂടെയാണ് അന്ന മലയാള സിനിമയിലെക്കെത്തിയത്. തുടർന്ന് ഒരു പിടി ചിത്രങ്ങളിലൂടെ നടി മലയാള സിനിമമേഖലയിൽ ശ്രദ്ധേയമായി. 2021ൽ കപ്പേള എന്ന ചിത്രത്തിലെ അഭിനയത്തിന് അന്ന ബെന്നിന് മികച്ച അഭിനയത്രിയ്ക്കുള്ള കേരള സംസ്ഥാന ചലച്ചിത്ര അവാർഡ് ലഭിച്ചിട്ടുണ്ട്.
മലയാള സിനിമയിലെ പ്രശസ്ത തിരക്കഥാകൃത്ത് ബെന്നി പി. നായരമ്പലത്തിന്റെ മകളാണ് നടി അന്ന ബെൻ. അർജുൻ അശോകൻ നായകനായി പുറത്തിറങ്ങിയ ത്രിശങ്കുവാണ് അന്ന ബെന്നിന്റെ ഏറ്റവും പുതിയ ചിത്രം. നേരത്തെ മലയാളം ഉൾപ്പെടെ നിരവധി ചലച്ചിത്ര താരങ്ങൾക്ക് യുഎഇ ഗോൾഡൻ വിസ നേടിക്കൊടുത്തത് ദുബായിലെ ഇസിഎച്ഛ് ഡിജിറ്റൽ മുഖേനെയായിരുന്നു.
Comments