രാജസേനനെ വിമർശിച്ച് നടൻ കൃഷ്ണകുമാർ. ബിജെപിയിലാണെങ്കിൽ സത്യത്തിനും ധർമ്മത്തിനുമൊപ്പം നിൽക്കുന്നു എന്ന് സ്വന്തം മനസാക്ഷിയെ ബോധ്യപ്പെടുത്താമെന്നാണ് കൃഷ്ണകുമാർ പറഞ്ഞത്. ബിജെപിയിലായിരുന്നപ്പോൾ സുഹൃത്തുക്കൾ അകന്നു എന്നും കാണുമ്പോൾ ചിരിക്കാറില്ലെന്നും രാജസേനൻ പറഞ്ഞിരുന്നു. ഇതിനെയാണ് കൃഷ്ണകുമാർ വിമർശിച്ചത്. ബിജെപിയിലാണെങ്കിൽ നാവും നട്ടെല്ലും ഒരാൾക്കു മുൻപിലും പണയപ്പെടുത്താതെ നല്ലൊരു മനുഷ്യനായി ജീവിക്കാമെന്നും കൃഷ്ണകുമാർ കൂട്ടിച്ചേർത്തു.
മഹാഭാരതയുദ്ധത്തിൽ ഭഗവാൻ ശ്രീകൃഷ്ണൻ പാണ്ഡവർക്ക് ഒപ്പം നിന്നിട്ട് പോലും പല ബന്ധുമിത്രാധികളും അധികാര പക്ഷമായ കൗരവപക്ഷത്തോടൊപ്പമാണ് നിന്നതെന്നും എന്നാൽ അവസാന വിജയം ധർമ്മ പക്ഷമായ പാണ്ഡവർക്കൊപ്പമായിരുന്നു എന്നും അദ്ദേഹം കൂട്ടിച്ചേർത്തു. രാജസേനന്റെ നിലപാട് മാറ്റത്തെ വിമർശിച്ച് മഹാഭാരതം ഉദാഹരിച്ച് കൃഷ്ണകുമാർ പറഞ്ഞു.
Comments