ബെംഗളൂരു: യുവ കന്നട സിനിമ- സീരിയാൽ താരവും സംവിധായകനുമായ നിതിൻ ഗോപി(39) അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. കഴിഞ്ഞ ദിവസം നെഞ്ചുവേദനയെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു. പ്രശസ്ത സംഗീതജ്ഞൻ ഗോപി പിതാവാണ്.
വിഷ്ണുവർദ്ധനൊപ്പം വേഷമിട്ട ഹലോ ഡാഡിയിലൂടെയാണ് നിതിൻ സിനിമ രംഗത്ത് ശ്രദ്ധനേടിയത്. വിഷ്ണുവർദ്ധനൊപ്പം നിഷ്യബ്ദയിലും നിതിൻ അഭിനയിച്ചിരുന്നു. ചിരബാന്ധവ്യ, കേരളീയ കേസരി, മുത്തിനന്ത ഹെന്ദാടി തുടങ്ങിയ ചിത്രങ്ങളിൽ ബാലതാരമായി അഭിനയിച്ചിട്ടുണ്ട്. ശ്രുതി നായിഡു പ്രൊഡക്ഷൻസ്, ബാലാജി ടെലിഫിലിംസ് തുടങ്ങിയ ബാനറുകളുടെ സീരിയലുകളും സംവിധാനം ചെയ്തിട്ടുണ്ട്.
