ബ്രിട്ടീഷ് കോളമ്പിയ സർവകലാശാലയിൽ നിന്ന് ബിരുദം നേടിയതിന്റെ ഫോട്ടോകള് പങ്കുവെച്ചതിന് ശേഷം സുരേഷ് ഗോപിയുടെ മകള് ഭാഗ്യ സുരേഷിന് നേര്ക്ക് ബോഡി ഷെയ്മിംഗ്. സമൂഹമാദ്ധ്യമത്തിലൂടെ മോശം കമന്റുമായാണ് എത്തിയത്. നീളത്തേക്കാൾ വണ്ണം കൂടുതൽ ഉള്ളവർക്ക് സാരി ചേരില്ല, പാശ്ചാത്യ വേഷമാണ് നല്ലത് എന്നായിരുന്നു ഒരു കമന്റ്. എന്നാല് ഇഷ്ടപ്പെടുന്ന വേഷം ഇനിയും താൻ ധരിക്കുമെന്നായിരുന്നു ഭാഗ്യ നൽകിയ കലക്കൻ മറുപടി.
നിങ്ങൾ ഈ സാരി മാറ്റി പാശ്ചാത്യ വസ്ത്രങ്ങള് ധരിക്കുന്നതാണ് നല്ലത് എന്നായിരുന്നു വിമര്ശകൻ അഭിപ്രായപ്പെട്ടത്. നീളത്തേയ്ക്കാള് വീതി ഉള്ള ആള്ക്ക് സാരി ചേരുന്ന വസ്ത്രമല്ല. പാശ്ചാത്യ വസ്ത്രങ്ങളായ പാവാടയും ബ്ലൗസും താങ്കളെ ഒരുകൂടി സ്മാര്ട്ടാക്കും എന്നായിരുന്നു കമന്റ്. സാരി ധരിച്ചായിരുന്നു ഭാഗ്യ സുരേഷ് തന്റെ ബിരുദദാന ചടങ്ങിൽ പങ്കെടുത്തിരുന്നത്.
ഇതോടെ ബോഡി ഷെയ്മിംഗ് നടത്തിയാൾക്ക് ചുട്ട മറുപടിയുമായി സുരേഷ് ഗോപിയുടെ മകള് എത്തി. ‘ആരും ചോദിച്ചില്ലെങ്കിലും വിലയേറിയ അഭിപ്രായം താങ്കള് അറിയിച്ചതിന് നന്ദി. എന്റെ വണ്ണത്തെയും നീളത്തെയും കുറിച്ച് താങ്കള് ആശങ്കപ്പെടേണ്ട. എനിക്ക് യോജിച്ചത് എന്ന് എനിക്ക് തോന്നുന്നവ ഇനിയും ഞാൻ ധരിക്കും. പാശ്ചാത്യരെപ്പോലെ ഇടപെടാൻ നിര്ബന്ധിതരാകുന്ന ഒരു രാജ്യത്ത് എന്റെ വേരുകളെ ബഹുമാനിക്കുന്ന തരത്തില് കേരള പരമ്പരാഗത സാരിയാണ് ബിരുദദാന ചടങ്ങില് ഞാൻ ധരിക്കാൻ ആഗ്രഹിച്ചത്. മറ്റുള്ളവരുടെ ശരീരത്തെയും വസ്ത്രങ്ങളെയും പറ്റി ആശങ്കപ്പെടാതെ സ്വന്തം കാര്യം നോക്കൂ.’- എന്നായിരുന്നു ഭാഗ്യ സുരേഷ് നൽകിയ മറുപടി. ഇതോടെ സമൂഹമാദ്ധ്യമങ്ങളിൽ ഭാഗ്യയെ അഭിനന്ദിച്ച് നിരവധിപേർ രംഗത്ത് വന്നു.
Comments