ആർബിഐ ജൂനിയർ എഞ്ചിനീയർ ഒഴിവുകളിലേക്ക് അപേക്ഷ ക്ഷണിച്ചു. ജൂൺ 30 വരെയാണ് അപേക്ഷിക്കാനുള്ള അവസാന തീയതി. ഓൺലൈൻ പരീക്ഷയുടെ താത്കാലിക തീയതി ജൂലൈ 15-ആണ്. 20-30 വരെയാണ് അപേക്ഷിക്കാനുള്ള പ്രായപരിധി.
ജെ ഇ സിവിൽ:-
അപേക്ഷകർക്ക് അംഗീകൃത ഇൻസ്റ്റിറ്റ്യൂട്ടിൽ നിന്നോ യൂണിവേഴ്സിറ്റിയിൽ നിന്നോ ബോർഡിൽ നിന്നോ സിവിൽ എഞ്ചിനീയറിംഗിൽ കുറഞ്ഞത് മൂന്ന് വർഷത്തെ ഡിപ്ലോമ ഉണ്ടായിരിക്കണം. 29 തസ്തികളിലാണ് നിയമനം.
ജെ ഇ ഇലക്ട്രിക്കൽ:-
എച്ച്ടി/എൽടി സബ്സ്റ്റേഷനുകൾ, സെൻട്രൽ എസി പ്ലാന്റുകൾ, ലിഫ്റ്റുകൾ എന്നിവയുള്ള വലിയ കെട്ടിടങ്ങൾ / വാണിജ്യ കെട്ടിടങ്ങൾ എന്നിവയിലെ ഇലക്ട്രിക്കൽ ഇൻസ്റ്റാളേഷനുകളുടെ നിർവ്വഹണത്തിലും മേൽനോട്ടത്തിലും കുറഞ്ഞത് 2 വർഷത്തെ പരിചയം ആവശ്യമാണ്. ഡിപ്ലോമയാണ് വിദ്യാഭ്യാസ യോഗ്യത.ആറ് തസ്തികകളിലേക്കാണ് നിയമനം.
തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് പ്രതിമാസ ശമ്പളം 71,032 ആണ് ശമ്പളം. ഓൺലൈൻ പരീക്ഷയിലൂടെയും ഭാഷാ പ്രാവീണ്യ പരീക്ഷയിലൂടെയും ആകും ഉദ്യോഗാർത്ഥികളെ തിരഞ്ഞെടുക്കുക. കൂടുതൽ വിവരങ്ങൾക്ക് https://opportunities.rbi.org.in/എന്ന വെബ്സൈറ്റ് സന്ദർശിക്കുക.
