വാഹനാപകടത്തിൽ കൊല്ലപ്പെട്ട നടൻ കൊല്ലം സുധി അഭിനയിച്ച അവസാന ചിത്രമായ സ്വർഗത്തിലെ കട്ടുറുമ്പ് എന്ന ചിത്രത്തിന്റെ ചിത്രീകരണം പൂർത്തിയായി. മൈന ക്രിയോഷൻസിന്റെ ബാനറിൽ ജെസ്പാൽ ഷൺമുഖൻ സംവിധാനം ചെയ്യുന്ന ചിത്രത്തിൽ ധ്യാൻ ശ്രീനിവാസനും ഗായത്രി അശോകനുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
തൊടുപുഴയാണ് ചിത്രത്തിന്റെ പ്രധാന ലൊക്കേഷൻ. മലയാളത്തിലെ യുവതാരനിരയും മറ്റ് ജനപ്രിയതാരങ്ങളും ചിത്രത്തിൽ അണിനിരക്കുന്നു. നടൻ കൊല്ലം സുധിയുടെ അവസാന ചിത്രങ്ങളിൽ ഒന്നു കൂടിയാണ് ഈ ചിത്രം.
ചിത്രത്തിൽ അപ്പാനി ശരത്, ശ്രീകാന്ത് മുരളി, ജോയ് മാത്യു, ചെമ്പിൽ അശോകൻ, ശിവൻകുട്ടൻ, ഗൗരി നന്ദ, അംബിക മോഹൻ, മഹേശ്വരി അമ്മ എന്നിവരും കേന്ദ്രകഥാപാത്രങ്ങളെ അവതരിപ്പിക്കുന്നു. ഹാസ്യത്തിനും പാട്ടുകൾക്കും ഏറെ പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്. ചിത്രം ഉടൻ പ്രദർശനത്തിനെത്തും.
