തിരുവനന്തപുരം: ഭാരതീയ വിചാര കേന്ദ്രം സന്ദർശിച്ച് പശ്ചിമ ബംഗാൾ ഗവർണർ സി.വി. ആനന്ദ ബോസ്. ഭാരതീയ വിചാര കേന്ദ്രം ഡയറക്ടർ ആർ. സഞ്ജയൻ ഷാൾ അണിയിച്ച് അദ്ദേഹത്തെ സ്വീകരിച്ചു. ഭാരതീയ പൈതൃകത്തിന്റെയും വിചാരചിന്തയുടെയും സൈദ്ധാന്തികനാണ് പരമേശ്വർജിയെന്ന് ആനന്ദ ബോസ് പറഞ്ഞു. പി. പരമേശ്വരന്റെ സ്മൃതി സംഗ്രഹാലയത്തിലെ പ്രതിമയിൽ അദ്ദേഹം പുഷ്പാർച്ചനയും നടത്തി.
ഭാരതീയ പാരമ്പര്യവും സംസ്കാരവും ലോകത്തിന് മുന്നിൽ തുറന്നു കാട്ടിയ വ്യക്തിയാണ് പി. പരമേശ്വരർജി. അദ്ദേഹം വിഭാവനം ചെയ്തത് സമഗ്ര ഭാരതമാണെന്നും ഭാരത പൈതൃകത്തിലേക്ക് വരും തലമുറയെ കൈപിടിച്ചു നടത്തിയെന്നും. പരമേശ്വർജിക്ക്ക്ക് ഒപ്പം നിർത്താൻ പരമേശ്വർജിയേ ഉള്ളൂവെന്നും സി.വി. ആനന്ദ ബോസ് വ്യക്തമാക്കി.
തുടർന്ന് വിചാര കേന്ദ്രം ഭാരവാഹികളുമായി കൂടിക്കാഴ്ച അദ്ദേഹം നടത്തി. ഭാരതീയ വിചാര കേന്ദ്രം സംസ്ഥാന അദ്ധ്യക്ഷൻ ഡോ. സി.വി. ജയമണി, ഓർഗനൈസിംഗ് സെക്രട്ടറി വി.മഹേഷ്, അക്കാദമിക് ഡീൻ ഡോ. കെ. എൻ. മധുസൂദനൻ പിള്ള, സംസ്ഥാന ട്രഷറർ രാജൻ പിള്ള, മാനേജർ എൻ. വിജയൻ, ജില്ലാ വർക്കിംഗ് അദ്ധ്യക്ഷൻ ഡോ. ലക്ഷ്മി വിജയൻ, ബിജെപി നേതാവ് പ്രൊഫ. പി.ടി. രമ എന്നിവർ സന്നിഹിതരായിരുന്നു.
