വിനോദ സഞ്ചാരികളെ ആകർഷിക്കും വിധമാണ് ഐആർസിടിസി ഓരോ പാക്കേജുകളും പ്രഖ്യാപിക്കുന്നത്.സാധാരണക്കാർക്കും പ്രശസ്തമായ സ്ഥലങ്ങളിലെത്തിപ്പെടാൻ അനുവദിക്കും വിധമാണ് ഭാരത് ഗൗരവ് ടൂറിസ്റ്റ് ട്രെയിൻ സർവീസ് നടത്തുന്നത്. ഇത്തരത്തിൽ ‘പുണ്യ ക്ഷേത്ര യാത്രയുമായി’ എത്തിയിരിക്കുകയാണ് ഇന്ത്യൻ റെയിൽവേ.
പേരുപോലെ തന്നെ ചരിത്ര പ്രസിദ്ധമായ പുണ്യഭൂമിയിലേക്കാണ് ഭാരത് ഗൗരവ് ട്രെയിൻ യാത്ര നടത്തുന്നത്. പുരി-കാശി- അയോദ്ധ്യ എന്നിവടങ്ങളിലാണ് പുണ്യക്ഷേത്ര യാത്ര. തീർത്ഥയാത്ര പോകാൻ ആഗ്രഹിക്കുന്നവർക്കുള്ള മികച്ച ഓപ്ഷനാകും ഇത്. എട്ട് രാത്രിയും ഒൻപത് പകലവും നീണ്ട് നിൽക്കുന്ന യാത്ര പുരി, കൊണാർക്ക്, ഗയ, വരാണാസി, അയോദ്ധ്യ, പ്രയാഗ് രാജ് എന്നിവിടങ്ങൾ യാത്രയിൽ സന്ദർശിക്കാവുന്നതാണ്. ജൂൺ 28-ന് ആരംഭിക്കുന്ന പുണ്യയാത്ര ജൂലൈ നാലിനാണ് അവസാനിക്കുക. 700 പേർക്കാണ് യാത്രയിൽ പങ്കുച്ചേരാനുള്ള സുവർണാവസരം.
സഞ്ചാരികൾക്ക് പുരി ജഗന്നാഥ ക്ഷേത്രം, കൊണാർക്ക് സൂര്യക്ഷേത്രം, ഗയയിലെ വിഷ്ണുപഥ് ക്ഷേത്രം, വരാണാസിയിലെ കാശി വിശ്വനാഥ ക്ഷേത്രവും ഇടനാഴിയും, കാശി വിശാലാക്ഷി അന്നപൂർണ ക്ഷേത്രം എന്നിവിടങ്ങൾ സന്ദർശിക്കാവുന്നതാണ്. ഒപ്പം രാത്രി ഗംഗാ ആരതിയിലും പങ്കുച്ചേരാവുന്നതാണ്. തുടർന്ന് അയോദ്ധ്യയിലെ രാമക്ഷേത്രം, ഹനുമാൻ ഗർഹി എന്നിവിടങ്ങളിൽ സന്ദർശിച്ച് സരയു നദിയിലെ ആരതിയിലും സന്ദർശകർക്ക് പങ്കുച്ചേരാനുള്ള സുവർണാവസരവും റെയിൽവേ ഒരുക്കുന്നു. തുടർന്ന് സഞ്ചാരികൾ പ്രയാഗ്രാജിലാണ് എത്തുക. ഇവിടെ ത്രിവേണി സംഗമം കണ്ട് ഹനുമാൻ മന്ദിരവും, ശങ്കർ വിമാന മന്ദിരവും സന്ദർശിക്കുന്നതോടെ ഭാരത് ഗൗരവ് ട്രെയിനിന്റെ പുണ്യക്ഷേത്ര യാത്രയ്ക്ക് വിരാമമാകും.
https://twitter.com/IRCTCofficial/status/1666795571103821824?s=20
സെക്കന്തരാബാദ് , കാസിപേട്ട്, ഖമ്മം, വിജയവാഡ, ഏലൂർ, രാജമുണ്ട്രി, സമൽകോട്ട്, പെൻഡുർത്തി, വിജയനഗരം എന്നിവിടങ്ങളില് ട്രെയിന് സേ്റ്റാപ്പുണ്ടാകും. ഇക്കണോമി, സ്റ്റാൻഡേർഡ്, കംഫർട്ട് എന്നിങ്ങനെ മൂന്ന് ക്ലാസുകളിലായി യാത്രക്കാർക്ക് സഞ്ചരിക്കാവുന്നതാണ്. ഇക്കണോമി ക്ലാസിൽ മുതിർന്നവർക്ക് 15,075 രൂപയും 5 മുതൽ 11 വയസുവരെയുള്ള കുട്ടികൾക്ക് 14,070 രൂപയുമാണ്. സ്റ്റാൻഡേർഡ് ക്ലാസിൽ യഥാക്രമം 23,875 രൂപയും 22,695 രൂപയുമാണ്. കംഫർട്ട് ക്ലാസിൽ 31,260 രൂപയും കുട്ടികൾക്ക് 29,845/ രൂപയുമാണ്. tinyurl.com/SCZBGO6 , www.irctctourism.com എന്നിവയിൽ ടിക്കറ്റ് ബുക്ക് ചെയ്യാവുന്നതാണ്. കൂടുതൽ വിവരങ്ങൾക്ക് irctctourism.com സന്ദർശിക്കുക.
ജൂൺ 28- സെക്കന്തരാബാദിൽ നിന്ന് ട്രെയിൻ പുറപ്പെടും.29-ന് പുരിയിൽ എത്തി ജഗന്നാഥ ക്ഷേത്രം സന്ദർശിക്കും.തുടർന്ന് പുരിയിൽ തങ്ങും. 30-ന് പ്രഭാതഭക്ഷണത്തിന് ശേഷം സഞ്ചാരികൾ കൊണാർക്കിലെ ലോകപ്രശസ്ത സൂര്യക്ഷേത്രം സന്ദർശിക്കും. അവിടെ നിന്ന് മാൽതിപത്പുരി വഴി ഗയയിലെത്തും. തുടർന്ന് ജൂലൈ 1-ന് വിഷ്ണുപദ് ക്ഷേത്രം സന്ദർശിക്കും. 2-ന് വിനോദസഞ്ചാരികൾ വാരണാസിയിലെത്തും. പ്രഭാതഭക്ഷണത്തിന് ശേഷം സഞ്ചാരികൾ സാരാനാഥ് സന്ദർശിക്കും. അവർ ഉച്ചഭക്ഷണത്തിനായി ഹോട്ടലിൽ തിരിച്ചെത്തും. തുടർന്ന് കാശി വിശ്വനാഥ ക്ഷേത്രം, കാശി വിശാലാക്ഷി, അന്നപൂർണ ദേവി ക്ഷേത്രം എന്നിവ സന്ദർശിക്കും. വൈകുന്നേരം ഗംഭീരമായ ഗംഗാ ആരതിക്ക് അവർ സാക്ഷ്യം വഹിക്കും.
ജൂലൈ 3-ന് വിനോദസഞ്ചാരികൾ വാരണാസിയിൽ നിന്ന് ട്രെയിനിൽ അയോദ്ധ്യയിലെത്തും. പുണ്യഭൂമിയായ രാമജന്മഭൂമി സന്ദർശിക്കും. അത്താഴത്തിന് ശേഷം പ്രയാഗ്രാജിലെത്തും. പിറ്റേന്ന് 4-ന് പ്രയാഗ്രാജിൽ എത്തിയ ശേഷം വിനോദസഞ്ചാരികൾ ത്രിവേണി സംഗമം സന്ദർശിക്കും. ഹനുമാൻ മന്ദിർ, ശങ്കർ വിമാന മണ്ഡപം എന്നിവയും അവർക്ക് സന്ദർശിക്കാം. അതിനുശേഷം പ്രയാഗ്രാജിൽ നിന്ന് മടക്കയാത്രയ്ക്കായി വിനോദസഞ്ചാരികൾ ട്രെയിനിൽ കയറും.
