മലയാളത്തിൽ രണ്ടുചിത്രങ്ങളിലെ അഭിനയിച്ചുള്ളൂവെങ്കിലും അതിഥി റാവു കേരളക്കരയ്ക്ക് സുപരിചിതയാണ്. ആദ്യ ചിത്രം മെഗാസ്റ്റാർ മമ്മൂട്ടിക്കൊപ്പം രണ്ടാം ചിത്രം വർഷങ്ങളുടെ ഇടവേളയ്ക്ക് ശേഷം ജയസൂര്യയ്ക്കൊപ്പവുമായിരുന്നു. ചിത്രങ്ങൾ ബോക്സ് ഓഫീസിൽ പരാജയപ്പെട്ടെങ്കിലും നായിക ശ്രദ്ധിക്കപ്പെട്ടു. നടിയുടെ കരിയറിന്റെ തുടക്കം അത്ര സുഖകരമായ ഒന്നായിരുന്നില്ല. മിക്കവരേയും പോലെ വെല്ലുവിളികളും പ്രതിസന്ധികളും അതിഥിയ്ക്കും നേരിടേണ്ടി വന്നിട്ടുണ്ട്.
തനിക്കുണ്ടായ കാസ്റ്റിംഗ് കൗച്ച് അനുഭവവും സൺഡേ ഗാർഡിയന് നൽകിയ അഭിമുഖത്തിൽ താരം തുറന്നുപറഞ്ഞിരുന്നു. ‘നല്ല വേഷങ്ങൾ ലഭിക്കാൻ കിടക്ക പങ്കിടണമെന്ന് തന്നോട് ആവശ്യപ്പെട്ടുവെന്നും അത് നിരസിച്ചപ്പോൾ തനിക്കെതിരെ ചിലർ തിരിഞ്ഞുവെന്നുമാണ് അവർ അഭിമുഖത്തിൽ പറഞ്ഞത്.
എല്ലാ ഇൻഡസ്ട്രിയിലുമുള്ള അധികാരദുർവിനിയോഗത്തെക്കുറിച്ച് ഞാൻ എന്നും സംസാരിക്കും. പക്ഷെ വ്യക്തിപരമായി ഞാൻ പേരുകൾ പറയാൻ ആഗ്രഹിക്കുന്നില്ല. ഞാൻ എന്റെ തീരുമാനമെടുത്തു. അതൊരു ഉറച്ച തീരുമാനമാണ്. എങ്ങനെയാണ് ഒരാൾക്ക് എന്നോട് അങ്ങനെ സംസാരിക്കാൻ ധൈര്യം വന്നത്”.
അതിന് ശേഷം എട്ട് മാസത്തേക്ക് എനിക്ക് സിനിമയൊന്നും വന്നില്ല. പക്ഷെ ആ തീരുമാനം എന്നെ കരുത്തയാക്കുകയും എനിക്ക് വേണ്ടത് എന്താണെന്ന് ബോധ്യപ്പെടുകയും ചെയ്തു. 2013 എനിക്ക് പ്രയാസമേറിയ വർഷമായിരുന്നു. എന്റെ അച്ഛനെ നഷ്ടമായ വർഷം കൂടിയാണ്. പക്ഷെ 2014 മുതൽ എല്ലാം ശരിയായി തുടങ്ങി. അതിഥി കൂട്ടിച്ചേർത്തു
