മലയാളികളുടെ മനസ്സിൽ നിരവധി ഹിറ്റ് ചിത്രങ്ങളിലൂടെ ഇടംപിടിച്ച ജനപ്രിയനായകന്റെ പുതിയ ചിത്രം ‘വോയ്സ് ഓഫ് സത്യനാഥൻ’ന്റെ ട്രെയിലർ പുറത്തിറങ്ങി. ദിലീപ്-റാഫി കൂട്ടുകെട്ടിന്റെ ചിത്രമാണ് വോയ്സ് ഓഫ് സത്യനാഥൻ. കൊച്ചി ക്രൗൺ പ്ലാസാ ഹോട്ടലിൽ നടന്ന ചിത്രത്തിന്റെ പ്രൊമോഷൻ ലോഞ്ച് ചടങ്ങിലാണ് മലയാളികളുടെ സ്വന്തം നടൻ മമ്മൂട്ടി ട്രെയിലർ റിലീസ് ചെയ്തത്.
നിരവധി പ്രേക്ഷക ശ്രദ്ധ നേടിയ ചിത്രങ്ങൾ സമ്മാനിച്ച ദിലീപ് – റാഫി കൂട്ടുകെട്ടിലെത്തുന്ന ചിത്രം കുടുംബപ്രേക്ഷകർ ഏറ്റെടുക്കുമെന്ന് ഉറപ്പാണ്. സിനിമാ മേഖലയിലെയും മറ്റ് വിവിധ മേഖലകളിലെ പ്രഗത്ഭരായ വ്യക്തികളും, ചിത്രത്തിലെ താരങ്ങളും അണിയറപ്രവർത്തകരും ചടങ്ങിൽ പങ്കെടുത്തു. ജൂലൈ 14 നാണ് ചിത്രം തിയേറ്ററുകളിലെത്തുന്നത്. തമാശയിലൂടെയാണ് ചിത്രം പോകുന്നതെങ്കിലും ചിത്രത്തിന്റെ ആശയം വളരെ പ്രാധാന്യവും സങ്കീർണതയും നിറഞ്ഞതാണ്. തമാശയ്ക്കും വികാരങ്ങൾക്കും ഒരുപോലെ പ്രാധാന്യം നൽകുന്ന ചിത്രമാണ് ‘വോയ്സ് ഓഫ് സത്യനാഥൻ’.
പഞ്ചാബി ഹൗസ്, പാണ്ടിപ്പട, ചൈന ടൗൺ, തെങ്കാശിപ്പട്ടണം, റിംങ് മാസ്റ്റർ എന്നി ചിത്രങ്ങൾക്കു ശേഷം ദിലീപും റാഫിയും ഒന്നിക്കുന്ന ചിത്രമാണ് വോയിസ് ഓഫ് സത്യനാഥൻ. ജിബിൻ ജോസഫാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. ബാദുഷ സിനിമാസിന്റേയും ഗ്രാന്റ് പ്രൊഡക്ഷൻസിന്റേയും ബാനറിൽ എൻ.എം ബാദുഷ, ഷിനോയ് മാത്യു, ദിലീപ്,രാജൻ എന്നിവർ ചേർന്നാണ് ചിത്രത്തിന്റെ നിർമ്മാണം.
