സീരിയലുകളിലൂടെയും നിരവധി സിനിമകളിലൂടെയും ജനശ്രദ്ധ നേടിയ നടനാണ് ടി എസ് രാജു. എന്നാൽ അദ്ദേഹം അന്തരിച്ചു എന്ന വാർത്തയാണ് ഇന്ന് പുലർച്ചെ മുതൽ പുറത്തവന്നത്. വിവിധ സിനിമാ ഗ്രൂപ്പുകളിലും പോസ്റ്റുകളിലെ മരണ വാർത്ത പ്രചരിച്ചിരുന്നു. ചില പ്രമുഖ നടന്മാരും ആദരാജ്ഞലികൾ അർപ്പിച്ചുകൊണ്ട് പോസ്റ്റിട്ടിരുന്നു. എന്നാൽ ഈ വ്യാജ വാർത്തയ്‌ക്കെതിരെ പ്രതികരിച്ചാണ് ടിഎസ് രാജു രംഗത്തെത്തിയിരിക്കുന്നത്.
വെളുപ്പിന് ആറ് മണിമുതൽ കോളുകൾ വരികയാണെന്നും താൻ പൂർണ ആരോഗ്യവാനാണെന്നുമാണ് രാജു വ്യാജ വാർത്തയ്‌ക്കെതിരെ പ്രതികരിച്ചത്. ആരാണ് ഇത്തരം വ്യാജ വാർത്തകൾ പ്രചരിപ്പിച്ചത് എന്നറിയില്ല. ഞാൻ ഇവിടെ വീട്ടിലുണ്ട്. ഇറച്ചി സിനിമയുടെ ഷൂട്ടിങ്ങിലാണ് രാജു ഇപ്പോൾ അഭിനയിച്ചുകൊണ്ടിരിക്കുന്നത്. എന്തിന് വേണ്ടിയാണ് ഇത്തരം വ്യാജ വാർത്തകൾ പ്രചരിപ്പിക്കുന്നതെന്ന് അറിയില്ല. ആളുകളോട് മറുപടി പറഞ്ഞു മടുത്തുവെന്നും അദ്ദേഹം പ്രതികരിച്ചു.
