2023 ജൂലൈ 2 മുതൽ ജൂലൈ 8 വരെ (മിഥുനം 17 മുതൽ 23 വരെ) ഒരാഴ്‌ച്ച സമയത്തെ ചന്ദ്രരാശി പ്രകാരമുള്ള പൊതു വാരഫലം

ഗ്രഹസ്ഥിതി അനുസരിച്ചു ആണ് പൊതു ഫലം പറയുന്നത്, ജാതകത്തിലെ യോഗങ്ങളും ഗ്രഹനിലയും അനുസരിച്ചു ഏറ്റക്കുറച്ചിലുകൾ വരാം.

പൊതുവായ ഫലം: രാഷ്‌ട്രീയത്തിൽ വീണ്ടും സുപ്രധാന സംഭവങ്ങൾ അരങ്ങേറും. പലയിടത്തും രാഷ്‌ട്രീയ സാമൂഹിക സംഘർഷം ഉണ്ടാവും. ഘോര മഴയിലും കാറ്റിലും ചില അനിഷ്ട സംഭവങ്ങൾ ഉണ്ടാവും. വാഹന അപകടങ്ങൾ കൂടും. പുതിയ രോഗങ്ങൾ കണ്ടുപിടിക്കപ്പെടും. കടൽ ക്ഷോഭിക്കും. സിനിമ മേഖലയിൽ വഴിത്തിരിവുകൾ സംഭവിക്കും.

ഈ വാരത്തിൽ തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരുരുട്ടാതി നക്ഷത്രക്കാർ അവരവരുടെ നക്ഷത്രം വരുന്ന ദിവസം വൃതം അനുഷ്ഠിക്കുന്നതും ക്ഷേത്രത്തിൽ പോയി തൊഴുതു യഥാവിധി വഴിപാടുകൾ നടത്തുന്നത് ഉചിതമായിരിക്കും.

മേടം രാശി: (അശ്വതി ഭരണി, കാർത്തിക ആദ്യ 1/4 ഭാഗം) :
ഈ വാരം ഗുണദോഷ സമ്മിശ്രമാണ്. തൊഴിൽ പരമായി ഉണ്ടായിരുന്ന ക്ലേശങ്ങൾ കുറയും. പൂർവികമായി കിട്ടാനുള്ള സ്വത്തിൽ തീരുമാനമാകും. ബിസിനസ് ചെയ്യുന്നവർക്ക് പലവിധത്തിലുള്ള ബുദ്ധിമുട്ടുകളും വരും. എന്നാലും അവയൊക്കെ തരണം ചെയ്യും

ഇടവം രാശി: (കാർത്തിക 3/4 ഭാഗം രോഹിണി, മകയിര്യം ആദ്യ 1/2 ഭാഗവും):

കുടുംബത്തിൽ ഉണ്ടായിരുന്ന അസ്വാരസ്യം ഒത്തുതീർപ്പാകും. ജോലിയിൽ ഉണ്ടായിരുന്ന പ്രശ്നങ്ങൾക്ക് മേലധികാരിയുടെ ഇടപെടൽ കൊണ്ട്ശാശ്വത പരിഹാരം ഉണ്ടാവും. സാമ്പത്തീകമായി ഉന്നമനമുണ്ടാവുമെങ്കിലും ശത്രുക്കളെക്കൊണ്ടും സുഹൃത്തുക്കളെ കൊണ്ടും മാനസീകമായി ബുദ്ധിമുട്ട് ഉണ്ടാവും.

മിഥുനം രാശി: (മകയിര്യം 1/2 ഭാഗം, തിരുവാതിര, പുണർതം ആദ്യ 3/4 ഭാഗം):
കുടുംബത്തിൽ ആഹ്ളാദ അന്തരീക്ഷം സംജാതമാകും. ബിസിനസ്സിൽ പുതിയ വഴിത്തിരിവുകൾ വരും. മാന്യതയോടു കൂടിയ പെരുമാറ്റം സർവരുടെയും പ്രീതി പിടിച്ചു പറ്റും. പ്രേമകാര്യങ്ങൾ പൂവണിയും. ഭാഗ്യാനുഭവങ്ങൾ തേടി വരും. ലോട്ടറി എടുക്കാൻ പറ്റിയ സമയം.

കർക്കിടകം രാശി: (പുണർതം 1/4, പൂയം, ആയില്യം):

പല കാര്യങ്ങളിലും മനസമാധാനം കിട്ടുന്ന വാരമാണ്. വിദേശ വാസം ആഗ്രഹിക്കുന്നവർക്ക് അർഹമായ ജോലി കിട്ടും. ജീവിതപങ്കാളിയുമായി ഉള്ള പ്രശ്നങ്ങൾ ഒത്തുതീർപ്പാകും. സാമ്പത്തീകമായും മാനസികമായും ശാരീരികവുമായി ഉണ്ടായിരുന്ന പ്രശ്നങ്ങൾ മാറും, പുതിയ വാഹനം വാങ്ങുവാൻ തീരുമാനമാകും.

ചിങ്ങം രാശി: (മകം, പൂരം, ഉത്രം ആദ്യ 1/4 ഭാഗം)

ഈ വാരം ഗുണദോഷസമ്മിശ്രമാണ്. കുടുംബ ബന്ധു ജനങ്ങളുമായി അഭിപ്രായ വ്യത്യാസം ഉണ്ടാവും. സമൂഹത്തിലെ ഉന്നതരുമായി സൗഹൃദബന്ധത്തിൽ ഏർപെടുവാൻ അവസരം ഉണ്ടാവും. എവിടെയും മാന്യതയും പ്രശസ്തിയും ലഭ്യമാകും. അപ്രതീക്ഷിത സാമ്പത്തീക ലാഭം ഉണ്ടാവും.

കന്നി രാശി: (ഉത്രം 3/4,അത്തം, ചിത്തിര ആദ്യ 1/2 ഭാഗം):

ബന്ധുക്കൾ തമ്മിലുള്ള തർക്കങ്ങൾ പരിഹരിക്കുവാൻ സാധിക്കും. വ്യാപാരത്തിലെ സാമ്പത്തീക മാന്ദ്യം മറികടക്കുവാൻ അഹോരാത്രം പ്രയത്നിക്കും. ജീവിത പങ്കാളിയുടെ നിർദേശങ്ങൾ പലപ്പോഴും യുക്തമായ തീരുമാനങ്ങൾ കൈകൊള്ളുവാൻ ഉപകരിക്കും. വളരെ നാളായി അലട്ടുന്ന രോഗത്തിന് ശമനമുണ്ടാകും.

തുലാം രാശി: (ചിത്തിര അവസാന 1/2 ഭാഗം, ചോതി, വിശാഖും ആദ്യ 3/4 ഭാഗം):
പരീക്ഷകളിലും വ്യപഹാരങ്ങളിലും അനകൂലമായ സമയമാണ്. പുണ്യസ്ഥലങ്ങൾ സന്ദർശിക്കുവാൻ അവസരം ഉണ്ടാവും. സമാന ചിന്താഗതി ഉള്ള ആളുകളുമായി അടുത്തിടപഴുകുവാൻ അവസരം ഉണ്ടാവും. ശത്രുത മനോഭാവത്തിൽ ഉണ്ടായിരുന്നവർ അവരുടെ സ്വാർത്ഥ താത്പര്യത്തിനായി സ്നേഹം ഭാവിക്കും.

വൃശ്ചികം രാശി: (വിശാഖവും അവസാന 1/4 ഭാഗം അനിഴം, തൃക്കേട്ട)

കുടുംബ ജീവിതത്തിൽ സ്വസ്ഥതയും സമാധാനവും ഉണ്ടാവും. ആരോഗ്യം തൃപ്തികരമായിരിക്കും. ബന്ധുവിന് ആശ്രയം നൽകേണ്ടിവരും ആഗ്രഹിക്കുന്ന കാര്യങ്ങൾക്കു അനുകൂല സാഹചര്യം വന്നു ചേരും. പരിശ്രമങ്ങൾക്കും പ്രവർത്തങ്ങൾക്കും ഫലം ഉണ്ടാവും.

ധനു രാശി: (മൂലം, പൂരാടം, ഉത്രാടം ആദ്യ 1/4 ഭാഗം)
ബുദ്ധിമുട്ടുള്ള ചുമതലകൾ ഏറ്റെടുക്കും. അധികൃതരുടെ പ്രീതി നിമിത്തം ആനുകൂല്യം വർദ്ധിക്കും. കടം കൊടുത്ത സംഖ്യ ഏറെക്കുറെ തിരിച്ചുകിട്ടും.അനാവശ്യ കാര്യങ്ങൾ ചിന്തിച്ചു ആധി വർദ്ധിക്കും. സഹപ്രവർത്തകരുടെ സഹകരണം മനസമാധാനത്തിനു ഇടയാക്കും.

മകരം രാശി: (ഉത്രാടം അവസാന 3/4, തിരുവോണം, ആദ്യ അവിട്ടം 1/2 ഭാഗം)

പ്രവർത്തനങ്ങൾക്കു പൊതുജന പിന്തുണ ലഭിക്കും. വളരെക്കാലമായി നിലനിൽക്കുന്ന രോഗങ്ങൾക്ക് വിദഗ്‌ദ്ധ ഉപദേശം തേടും. അനവസരത്തിലുള്ള വാക്കുകൾ അബദ്ധത്തിന് വഴി ഒരുക്കും. ആദരണീയരുടെ കൂട്ടത്തിൽ സ്ഥാനം ലഭിച്ചതിൽ അഭിമാനം തോന്നും.

കുംഭം രാശി: (അവിട്ടം അവസാന 1/2 ഭാഗം, ചതയം, പൂരൂരുട്ടാതി ആദ്യ 3/4 ഭാഗം)
ഏറ്റെടുത്ത കർമ്മപദ്ധതികൾ പൂർത്തീകരിക്കും.ആവശ്യങ്ങൾ അനുവദിച്ച മേലധികാരിയോട് ആദരവ് തോന്നും. കുടുംബജീവിതത്തിൽ സന്തുഷ്ടിയും സമാധാനവും ഉണ്ടാവും. സഹപാഠികളോടപ്പം വിനിയോഗിക്കുവാൻ അവസരം വന്നു ചേരും.

മീനം രാശി: (പൂരൂരുട്ടാതി അവസാന 1/4 ഭാഗം, ഉതൃട്ടാതി, രേവതി)

അശ്രാന്ത പരിശ്രമത്താൽ ഏറ്റെടുത്ത പ്രവൃത്തികൾ പൂർത്തീകരിക്കുവാൻ സാധിക്കും നിലപാടുകളിലെ വ്യത്യസ്തത സർവരുടെയും ആദരവ് പിടിച്ചുപറ്റും. അവസരങ്ങൾ വേണ്ടവിധത്തിൽ ഉപയോഗിക്കുവാനുള്ള യുക്തി തോന്നും. വിശ്വസ്‌ത സേവനത്തിന് പ്രശസ്തിപത്രം ലഭിക്കും. മാതാപിതാക്കളുടെ ആഗ്രഹം നിറവേറ്റും .

ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V / 2023 July 02 to June 08